shrijnaneshvari -sant jnaneshvar
|
|
adhyay-6
atmasanyam yog
achchha, ab maian tumhare samaksh sari batoan ka saangopaang niroopan karata hooan; par in sab batoan ka achchhi tahar se upayog tabhi sambhav hai, jab inaka anubhav kiya jay. yogabhyas ke liye pahale-pahal ek uchit sthan dhooandhana chahiye, vah sthan aisa ho ki yadi aram karane ki lalasa se manushy vahaan jakar baithe, to phir vahaan se uthane ka nam tak n le. vah sthan aisa hona chahiye ki use dekhate hi vairagy duguna ho jay. vahaan yadi santoan ka nivas sthan ho to usase santosh ko bal milata hai aur man ko dhairy ka ashray. jis sthan par svayan abhyas apane-apako sadhak se karava leta hai, arthath jis sthan par apane-ap abhyas ho jata hai aur anubhav svayan sadhak ke aantahkaran ko mala pahana deta hai; isi prakar jis jagah ramaniyata ki mahatta nity-nirantar bani rahati hai; he parth! jahaan pahuanchate hi pakhandiyoan ke chitt mean bhi tapasya karane ki buddhi utpann ho, jis sthan par koee rahi ekaek pahuanchakar yadi sakam ho to bhi vah us sthan se lautane ki bat ekadam bhool jay, is prakar ka sthan n rahane valoan ko bhi rok leta hai. bhram mean p de hue logoan ko bhi sthir karata hai aur vairagy ko thapathapakar jagrat karata hai. vah sthan aisa ho ki use dekhane matr se hi vishayijanoan ko bhi aisa maloom ho ki maian sansar ka rajy-sukh tyagakar isi sthan par shantipoorvak p da rahooan. isake alava vah sthan itana pavan hona chahiye ki vahaan sakshath brahm hi drishtigochar ho. itana hi nahian, vahaan yog ka abhyas karane valoan ki bhi basti ho aur vahaan kisi ka bhi ana-jana n ho. us sthan par amrit ke saman j d se hi mithe aur sada phal dene vale saghan vriksh hone chahiye. vahaan varsha-rritu ke alava any rrituoan mean bhi kadam-kadam par jal sulabh ho aur vishesharoop se us sthan par nirmal jharane bhi hone chahiye. us sthan par garmi sadharan p dati ho aur shital vayu mand-mand bahati ho, vah sthan ekadam shant aur niahstabdh hona chahiye vahaan hiansak pashuoan ki bhi d nahian honi chahiye, tote aur bhramar tak nahian hone chahiye. vah sthan is tarah ka hona chahiye ki jal ke sahare jine vale hans aur do-char saras adi pakshi yatr-tatr drishtigochar hote hoan aur jab tak koee koyal vahaan akar baithati ho, isi prakar sada to nahian, par haan, jab tab kuchh mor bhi us sthan par aya-jaya karate hoan, to bhi koee bat nahian. he parth! aise jagah ki talash savadhanipoorvak karani chahiye aur phir vahaan koee math (ashram) athava shivalay dekhana chahiye. |
|
tika tippani aur sandarbh
sanbandhit lekh
| kram sankhya | vishay | prishth sankhya |