shrijnaneshvari -sant jnaneshvar
adhyay-5
karm sannyas yog
arjun ki ye sab batean sunakar shrikrishn ko b da hi anand aya aur unhoanne santoshapoorvak kaha-“he parth! ab maian tumhean vaisa hi sahaj aur sukhad sadhan batalata hooan, jaisa ki tum chahate ho; dhyanapoorvak suno.” he shrotavrind! shrikrishn ka yah kathan ekadam yatharth hai; kyoanki jis saubhagyashali balak ki mata sakshath kamadhenu hi ho, yadi vah apane khelane ke liye khilaune ke roop mean chandrama maange to vah bhi use mil jata hai. dekhoan, jis samay upamanyu par bhagavanh shiv prasann hue the aur upamanyu ne unake doodh-bhat khane ki ichchha prakat ki thi, us samay upamanyu ki vah ichchha poori karane ke liye bhagavanh shiv ne use kshirasagar hi de diya tha, athava nahian? isi prakar jo shrikrishn udarata ke gunoan ki khan hi haian, ve yadi vir shiromani arjun par prasann ho gayean hoan, tab phir arjun ko sab prakar ke sukhoan ka ashray kyoan n prapt ho? isamean ashchary hi kya hai? yadi shrilakshmi pati-jaisa aishvaryavanh mil jay to apani ichchhanukool sab chijean unase avashy hi maang leni chahiye. isiliye arjun ne jis jnan ki yachana ki thi, vah jnan shrikrishn ne use atyant prasannatapoorvak diya. ab ham yah batalate haian ki shrikrishn ne usase kya kaha. ap sab log dhyanapoorvak suniye.[1]
bhagavanh shrikrishn ne kaha-“he kuntisut, yadi karm sannyas aur karmayog-in donoan ka achchhi tarah se vichar kiya jay to siddh hota hai ki tattvatah donoan hi moksh prapt karane ke marg haian. phir bhi jnani aur ajnani sab jivoan ke liye yah karmayog hi spasht aur sugam marg hai. jaise kisi jalashay ko par karane ke liye nauka striyoan aur balakoan tak ke liye upayogi hoti hai, vaise hi yadi taratamy ka vichar kiya jay to sab prakar ke jivoan ko bhavasagar tarane ke liye yah karmayog hi samanaroop se sulabh hai. yadi is karmayog ka achchhi tarah se acharan kiya jay to karm sannyas ka phal bhi svatah prapt ho jata hai. ab maian tumhean sannyasiyoan ke lakshan batalata hooan jisase tumhean karm-sannyas aur karmayog ki abhinnata ka jnan bahut sahaj mean hi ho jayaga.[2] |
tika tippani aur sandarbh
sanbandhit lekh
kram sankhya | vishay | prishth sankhya |