ganesh ji ke varadan se usako aishvary, putr, pautr, dhan, prajna, jnan, vidya aur uttam kavitv ki prapti hoti hai. jo devataoan ke svami lakshmipati bhagavan vishnu ka bhajan karata hai, vah yadi var pane ka ichchhuk ho to use vah sampoorn var prapt ho jata hai. anyatha avashy hi use moksh ki prapti hoti hai. shantisvaroop jagatpalak shrivishnu ki seva karake sachamuch hi manushy samast tap, sampoorn dharm tatha param uttam yash evan kirti ko prapt kar leta hai. jo moodh sarveshvar vishnu ka sevan karake usake badale mean koee var lena chahata hai, use vidhata ne thag liya aur vishnu ki maya ne moh mean dal diya. narayan ki maya sab kuchh karane mean samarth, sab ki karanabhoota aur parameshvari hai. vah jis par kripa karati hai, use vishnu-mantr deti hai.
jo dharmatma manushy dharm ka bhajan karata hai, vah nishchay hi sampoorn dharm ka phal pata hai aur ihalok mean sukh bhogakar paralok mean vishnu ke paramapad ko prapt kar leta hai. jo manushy jis devata ki bhaktibhav se aradhana karata hai, vah pahale usi ko pata hai, phir samayanusar us devata ke sath hi vah uttam vishnudham mean chala jata hai.
bhagavan shrikrishn prakriti se pare tatha tinoan gunoan se atit– nirgun haian. brahma, vishnu aur shiv adi ke sevy, unake adikaran, paratpar avinashi parabrahm evan sanatan bhagavan haian.
sakar, nirakar, jyotiahsvaroop, svechchhamay, sarvavyapi, sarvadhar, sarveshvar, paramanandamay, eeshvar, nirlipt tatha sakshiroop haian. ve bhaktoan par anugrah karane ke liye hi divy vigrah dharan karate haian. jo unaki aradhana karata hai, vah sachamuch hi jivanmukt hai. vah buddhiman purush koee var nahian grahan karata. saloky adi charoan prakar ki muktiyoan ko bhi vah tuchchh samajhane lagata hai. brahmatv, amaratv aur moksh bhi usake liye tuchchh-sa ho jata hai. aishvary ko vah mitti ke dhele ke saman nashvar manata hai. indratv, manutv aur chirajivitv ko bhi pani ke bulabule ke saman kshanabhangur samajhakar atyant tuchchh ginane lagata hai. sote-jagate har samay shrikrishn ki seva hi chahata hai. unaki dasata ke siva doosara koee pad nahian manata. shrikrishn ke charanaravindoan mean nirantar evan avichal bhakti pakar vah poornakam ho jata hai. shrikrishn bhakt un paripoornatam brahm ka sevan karake sada susthir rahata hai.