vishay soochi
garg sanhita
ashhvamedh khanhd : adhyay 33
apane bete se aisa kahakar vir balval du:kh se aansoo bahane laga aur man hi man khinn hokar bola- hay ! maianne aisi pratijna kyoan ki ? aho ! sainyapal ke bete ko maianne bina aparadh ke hi mar dala, usi pap se mera putr bhi marega, isamean sanshay nahian hai. yadi apane vir putr ko maian balapoorvak mrityu ke mukh se chhu da looanga to mere samast sainik mujhe gali deange aur mujh par hanseange. daityaraj ko is prakar shok magn, du:khi apane putr ke lie khinn-chitt dekh kar rosh aur amarsh se bhara hua sainyapal hansata hua bola . sainyapal ne kaha– rajanh ! pahale apane is putr kunandan ko shighr mar dalo. isake bad yadavoan ka danavoan ke sath sangram hoga. daityeandr ! tum satyavadi ho aur yah karm atyant darun hai. yadi du:kh ke karan tum ise nahian karoge to tumhean narak mean jana p dega. bhoopal ! kosalapati raja dasharath ne saty ki raksha ke lie shriram jaise bete ko tyag diya. saty ke bandhan mean bandhe hue harishachandr ne apani pyari patni ko, putr ko aur apane apako bhi bech diya tha. bali ne saty ke karan sari prithvi de dali. virochan ne apana jivan de diya. raja shibi ne apakirti ka tatha dadhichi ne apane sharir ka tyag kar diya tha. jaise guru vashishth ne prishadhn tatha raja rantidev ne bhojan ko tyag diya tha, usi prakar daityaraj ! tum bhi ajna bhang karane vale is putr ka moh chho dakar ise mar dalo. tumane pahale jo pratijna ki thi ki maian apani ajna ka ullanghan karane vale bete aur bhaee ko bhi tatkal mar dalooanga, phir doosare ki to bat hi kya hai ? us desh mean nivas karana chahie, jahaan raja satyavadi ho. us desh mean kadapi nahian rahana chahie, jahaan ka raja mithyavadi ho . shrigargaji kahate haian– sainyapal ki bat sun kar balval ne khinn chitt ho apane us putr ka vadh karane ke lie usi ko ajna de di. tadanantar balval du:khi ho yadavoan ke samane gaya. idhar sainyapal ne rajakumar ke age usake pita ki di huee ajna suna di. yah sunakar kunandan ne use shighr hi is prakar uttar diya . rajaputr bola– senapate ! tum paradhin ho, isalie tumhean raja ki ajna ka avashy palan karana chahie. parashuramaji ne apane pita ki ajna se mata ka mastak kat liya tha. sainyapal ! maian nishchiant hooan. maianne dharm kary ka palan kar liya hai. ab mujhe mrityu se koee bhay nahian hai. tum mujhe shataghni mean jhoank do . |
tika tippani aur sandarbh
sanbandhit lekh
kram sankhya | vishay | prishth sankhya |