vishay soochi
garg sanhita
mathurakhanhd : adhyay 23
shri krishn ka vraj se lautakar mathura mean agaman shrinaradaji kahate haian- rajanh ! sakshat bhagavan shrikrishn vraj mean kee dinoan tak sabako apana darshan de mathura jane ko udyat hue. nau nandoan, nau upanandoan, chhah vrishabhanuoan tatha vrishabhanuvar aur vrajeshrar nandaraj se milakar kalavati, yashoda, anyany gopiyoan tatha gauoan ke ganoan se bhi bheant karake, ashvasan aur jnan de, sabase vida lekar madhav chanchal ashvoan se jute hue apane divy rath par aroodh ho mathura jane ki ichchha se nandagaanv se bahar nikale. unake pichhe-pichhe samast mohit vrajavasi bahut door tak gaye. ve madhav-ke atyant kashtamay virah ko nahian sah sake. jinhean bhoomandal par kabhi ek bar bhi shrivishnu ka darshan hua ho, unhean bhi unaka virah dussah ho jata haian, phir jinhean pratidin unaka darshan hota raha ho, unako unake virah se kitana duahkh hota hoga, isaka varnan kaise kiya ja sakata hai. nareshvar ! apalak netroan se shridhar ke muanh ki or dekhate hue samast vrajavasi gop sneh-sambandh ke karan premavihval ho unase bole. gopoan ne kaha- shrikrishn ! tum phir jaldi ana aur ham samast vrajavasiyoan ki raksha karana. jaise poorvakal mean tumane devataoan ko amrit pradan kiya tha, usi prakar ab hamean apane darshan ki sudha ka pan karate rahana. dev ! keval tumhian sada yashoda ke anandadayak ho, tumhian shrinandaraj ko anand pradan karane vale ho aur tumhian vrajavasiyoan ke jivan ho. prabho ! tumhian is vraj ke dhan ho, gopakul ke dipak ho aur mahapurushoan ke bhi man ko mohane vale ho. jaise nidagh se jale hue prani ko shital jal prapt ho jay, sardi se pi dit manushy ko jaise ag mil jay, jvar se art purush ko upayukt aushadh prapt ho jay aur mare hue manav ko bhi jaise mangalamay amrit mil jay, to ve ji uthate haian, usi prakar samast vraj ke liye tumhara darshan hi jivan hai, isaliye tum yahian nivas karo. is vishay mean bahut kahane se kya labh. |
tika tippani aur sandarbh
sanbandhit lekh
kram sankhya | vishay | prishth sankhya |