shrihit harivansh gosvami:sanpraday aur sahity -lalitacharan gosvami
prastavana
prem ek sambandh- vishesh ka nam hai, ya yoan kahiye ki vah ek sambandhatmak tattv hai. sambandhatmak tattv ko ham shuddh advay tattv nahian kah sakate, kyoanki sambandh sadaiv do ya do se adhik ke bich rahata hai. yah bat any sambandhoan ke bare mean saty ho sakati hai kintu prem-sambandh do ke bich rahakar do ko sarvatha ek kiye rahata hai. is sambandh ke dvara nishpann ekata nitant sahaj evan saty hoti hai. prem mean jitane saty “do” hai, utana hi saty “ek” hai, atah nity sambandhatmak rahate hue bhi prem nity advay tattv hai. vichar karane par maloom hota hai ki vaishnav kianva bhagavat tattv hi sambandhatmak tattv hai,chahe usamean shakti -shaktiman ka sambandh ho chahe gun aur guni ka aur chahe visheshan aur visheshy ka usamean sambandh ki satta avashy hai aur sambandh ke rahate huye bhi vah advay tattv hai. prem bhi bhagavat tattv hai. isake sambandhatmak sampoorn svaroop ka parichay shvetashvatar upanishadh ki is prasiddh shruti se prapt hota hai ki is 'brahm ko bhokta, bhogy aur prerita ke trividh roop mean man kar sampoorn batalaya gaya hai. 'bhokta bhogyan preritaran ch matva sarv proktan trividhan brahm etath'[1] isaka arth yah hua ki advay brahm-tattv bhokta, bhogy aur prerita ke roop mean trividh samajhana chahiye. prem mean premi “bhokta” hai, prem-patr ‘bhogy’ hai aur in donoan ki paraspar ki rati ka svaroop 'prerita' prem hai jo in donoan ke bhitar-bahar sthit rah kar inaka poshak niyamak evan prerak hota hai. prem ekatv-vidhayak do ko ek banane vale svabhav ke karan bhokta aur bhogy ek doosare mean doob jane ke liye sadaiv unmukh rahate haian, kintu prerak prem un donoan ko apane bhinn svaroopoan mean sthit rakhakar prem ki lila ko akshunn banaye rakhata hai. rati evan usake bhokta bhogy svaroop ubhay karanoan ke yog se prem ka nity lilamay sampoorn svaroop nishpann hota hai vilakshanata yah hai ki prem mean rati apane karanoan se asatt hai. atah eeshvar ke saman nahian, sahachari kianva dasi ke saman vah unaki prerak hoti hai. |
tika tippani aur sandarbh
- ↑ shveta. 1-12
sanbandhit lekh
vishay | prishth sankhya |
varnamala kramanusar lekh khoj