yogiraj shrikrishn -lala lajapataray
sampadakiy
krishn ke is mahaniy, nishpap tatha nishkalush charitr ki or punah manav jati ka dhyan akrisht karane ka shrey unnisavian sadi ke mahan dharmachary tatha bharatiy navajagaran ke jyotipurush svami dayanand ko hai. unhoanne svarachit granth satyarthaprakash mean krishnacharit ki shlagha karate hue likha- ʺdekho, krishn ka itihas mahabharat mean atyuttam hai. unaka gun-karm-svabhav apt purushoan ke sadrish hai jisamean koee adharm ka acharan shrikrishn ne janm se maran-paryant bura kam kuchh bhi kiya ho, aisa nahian likha.ʺ svami dayanand ke hi samakalin bangala ke sahity-samrat bankimachandr chattopadhyay ne 1886 mean mahabharat ko adhar banakar krishn charitr shirshak ek vivechanamoolak jivanacharitr likha jisamean bharatokt krishn ke itivritt ko hi pramanik tatha vishvasaniy manakar puranoan mean varnit krishn-prasang ko asangat, buddhi tatha yukti viruddh phalatah amany thaharaya. krishn-charitr ke samagr anushilan ke pashchat bankim jis nishkarsh par pahuanche haian use unhian ke shabdoan mean prastut kiya jana uchit hai- ʺkrishn sarvagunasampann haian. inaki sab vrittiyoan ka sarvaang sundar vikas hua hai. ye sianhasanasin hokar bhi udasin haian, dhanurdhari hokar bhi dharmavetta haian, raja hokar bhi pandit haian, shaktiman hokar bhi premamay haian. yah vahi adarsh hai jisase yudhishthir ne dharm sikha aur svayan arjun jisaka shishy hua. jisake charitr ke saman mahamahimamandit charitr manushy-bhasha mean kabhi varnit nahian hua.ʺ[3] mahan deshabhakt tatha bharat ke svadhinata sangram ke agrani nayak lala lajapataray ne vigat shatabdi ke ant mean krishn-charitr ka vishleshan karate hue ek upayogi granth urdoo mean ‘yogiraj mahatma shrikrishn ka jivanacharitr’ shirshak likha tha. lala ji ka sahity mukhy roop se urdoo tatha aangreji mean hi likha tha, parantu unaki urdoo arabi tatha pharasi ke klisht evan aprachalit shabdoan se ladi nahian hoti thi. unhoanne apani is pustak ki bhoomika mean urdoo ke us svaroop ka samarthan kiya hai jo pharasi-arabi ke kathin shabdoan se bojhil n ho. aisi kathin urdoo ko unhoanne musalamani urdoo ki sanjna di thi, jisaka likhana yadyapi lala ji jaise vyakti ke lie kathin nahian tha, kintu unhoanne us ganga-jamani[4] urdoo mean hi sahity likha jo janasadharan ke lie bodhagamy thi. dhyatavy hai ki panjab ke aryasamaji lekhakoan ne urdoo ki ek aisi shaili vikasit kar di thi jisamean sanskrit ke tadbhav shabdoan ka bahutayat se prayog hota hai, jisase usaka hinduee charitr ujagar hone laga tha. |
tika tippani aur sandarbh
sanbandhit lekh
adhyay | adhyay ka nam | prishth sankhya |
varnamala kramanusar lekh khoj