shrijnaneshvari -sant jnaneshvar
adhyay-9
raj vidyaraj guhyayog
gagan ka jitana vistar hai, utana hi vistar pavan ka bhi hai aur pankha ityadi jhalane se hi pavan ka prithakh roop se bhas hota hai aur nahian to pavan sada gagan ke sath ekakar hi rahata hai. isi prakar yadi kalpana ki jay to bhootamatr ka mujhame hi bhas hota hai aur nahian to nirvikalp-avastha mean ye bhootamatr nahian rah jate aur keval maian hi apane avikrit roop mean bach rahata hooan isiliye ‘nahian’ aur ‘haan’ ye donoan keval kalpana ki hi batean haian. jis samay kalpana ka nash ho jata hai, us samay nam-roop vala vishv ka bhi avasan ho jata hai aur jis samay kalpana utpann hoti hai, us samay yah sab kuchh rahata hi hai. kalpana ka avasan ho jane par ‘haan’ aur ‘nahian’ vali batoan ke liye kahian koee adhar hi nahian rah jata. isaliye yah aishvary yog tum phir se thik tarah samajh lo. sarvapratham tum is jnanaroopi samudr mean tarangakar bano. phir jab tum dekhoge, tab tumhean is bat ka bhan hoga ki svayan tumhian yah sab charachar jagath ho.” shridev kahate haian-“he parth! tumhean is jnan ka prakash prapt hua athava nahian? tumhara dvaitaroopi svapn ka ant ho gaya athava nahian? ab yadi phir kisi samay buddhi ko kalpana ki niand a jay, to phir yah abhed-jnan mit jayaga, kyoanki us samay tum phir svapn vali avastha mean hi pahuanch jaoge. isaliye ab maian tumhean vah rahasy-jnan saph-saph batalata hooan, jisase is avidyaroopi nidra ka kahian namo-nishan bhi n rah jayaga aur tumhari atmajnan vali jagrati satat bani rahegi. isaliye he dhanurdhar dhananjay! tum dhairyapoorvak meri batoan ki or dhyan do. tum yah bat achchhi tarah samajh lo ki maya (prakriti) hi samast praniyoan ki utpatti aur sanhar karati hai.[1] |
tika tippani aur sandarbh
- ↑ (89-97)
sanbandhit lekh
kram sankhya | vishay | prishth sankhya |