|
shrimadbhagavadgita sadhak-sanjivani hindi-tika -svami ramasukhadas
trayodash adhyay
us paramatma ka apane hriday mean anubhav karane ka upay hai-
- manushy harek vishay ko janata hai to us janakari mean sath aur asath- ye donoan rahate haian. in donoan ka vibhag karane ke lie sadhak yah anubhav kare ki meri jo jagrat, svapn, sushupti aur balakapan, javani, budhapa adi avasthaean to bhinn-bhinn hueean, par maian ek raha. sukhadayi-duahkhadayi, anukool-pratikool paristhitiyaan ayian aur chali gayian, par unamean maian ek hi raha. desh, kal, vastu, vyakti adi ka sanyog-viyog hua, par unamean bhi maian ek hi raha. tatpary yah hua ki avasthaean, paristhitiyaan, sanyog-viyog to bhinn-bhinn (tarah-tarah ke) hue, par un sabamean jo ek hi raha hai, bhinn-bhinn nahian hua, usaka (un sabase alag karake) anubhav kare. aisa karane se jo sabake hriday mean virajaman hai, usaka anubhav ho jaega; kyoanki yah svayan paramatma se abhinn hai.
- jaise atyant bhookha ann ke bina aur atyant pyasa jal ke bina rah nahian sakata, aise hi us paramatma ke bina rah nahian sake, bechain ho jae. usake bina n bhookh lage, n pyas lage aur n niand aye. us paramatma ke sivay aur kahian vritti jae hi nahian. is tarah paramatma ko pane ke lie vyakul ho jae to apane hriday mean us paramatma ka anubhav ho jaega.
is prakar ek bar hriday mean paramatma ka anubhav ho jane par sadhak ko ‘sab jagah paramatma hi hai’- aisa anubhav ho jata hai. yahi vastavik anubhav hai.
sanbandh- pahale shlok se satrahavean shlok tak kshetr, jnan aur jney ka jo varnan hua hai, ab age ke shlok mean phalasahit usaka upasanhar karate haian.
|
|