|
shrimadbhagavadgita sadhak-sanjivani hindi-tika -svami ramasukhadas
dvadash adhyay
sadhak apani buddhi se sarvatr paramatma ko dekhane ki cheshta karata hai, jabaki siddh mahapurushoan ki buddhi mean paramatma svabhavik roop se itani ghanata se paripoorn haian ki unake lie paramatma ke sivay aur kuchh hai hi nahian. isalie unaki buddhi ka vishay paramatma nahian hai, pratyut unaki buddhi hi paramatma se paripoorn hai. atah ve ‘sarvatr samabuddhayah’ haian.
‘te prapnuvanti mamev’- nirgun ke upasak kahian yah samajh lean ki nirgun tattv koee doosara hai aur sagun koee doosara hai, isalie bhagavan yah spasht karate haian ki nirgun brahm mujhase bhinn nahian hai.[1] sagun aur nirgun donoan mere hi svaroop haian.
in donoan shlokoan mean bhagavan ne nirgun- upasakoan ke lie char batean batayi haian (1) nirgun-tattv ka svaroop kya hai, (2) sadhak ki sthiti kya hai, (3) upasana ka svaroop kya hai aur (4) sadhak kya prapt karata hai.
- arjun ne isi adhyay ke pahale shlok ke uttarardh mean jis nirgun-tattv ke lie ‘aksharamh’ aur ‘avyaktamh’ do visheshan prayukt karake prashn kiya tha, usi tattv ka vistar se varnan karane ke lie bhagavan ne chhah aur visheshan arthat kuchh ath visheshan die, jinamean paanch nishedhatmak (aksharamh, anirdeshyamh, avyaktamh, achintayamh aur achalamh) tatha tin vidhyatmak (sarvatragamh, kootasthamh aur dhruvamh) visheshan haian.
- sab desh, kal, vastu aur vyaktiyoan mean paripoorn tattv par drishti rahane se nirgun-upasakoan ki sarvatr samabuddhi hoti hai. dehabhiman aur bhogoan ki prithak satta manane ke karan hi bhog bhogane ki ichchha hoti hai aur bhog bhoge jate haian. parantu in nirgun-upasakoan ki drishti mean ek paramatma ke atirikt any kisi vastu ki prithak (svatantr) satta n hone ke karan unaki buddhi mean bhogoan ka mahattv nahian rahata. atah ve sugamatapoorvak iandriyoan ka sanyam kar lete haian. sarvatr samabuddhi vale hone ke karan unaki sab praniyoan ke hit mean rati rahati hai. isalie ve ‘sarvabhootahite rataah’ haian.
- sadhak ka sab samay us nirgun tattv ki or drishti rakhana (tattv ke sammukh rahana) hi ‘upasana’ hai.
- bhagavan kahate haian ki aise sadhakoan ko jo nirgun-brahm prapt hota hai, vah maian hi hooan. tatpary yah hai ki sagun aur nirgun ek hi tattv hai.
sanbandh- arjun ke prashn ke uttar mean bhagavan ne doosare shlok mean sagun-upasakoan ko sarvashreshth bataya aur tisare-chauthe shlokoan mean nirgun-upasakoan ko apani prapti ki bat kahi. ab donoan prakar ki upasanaoan ke avantar bhed tatha kathinaee evan sugamata ka varnan age ke tin shlokoan mean karate haian.
|
|