|
tritiy adhyay
tattvavittu mahabaho gunakarmavibhagayoah.
guna guneshu vartant iti matva n sajjate .. 28 ..
parantu he mahabaho! gunavibhag aur karmavibhag ke tattv ko janane vala jnanayogi sampoorn gun hi gunoan mean barat rahe haian, aisa samajhakar unamean asakt nahian hota..28..
prashn- ‘tu’ pad ke prayog ka kya abhipray hai?
uttar- sattaeesavean shlok mean varnit ajnani ki sthiti se jnanayogi ki sthiti ka atyant bhed hai, yah dikhalane ke liye ‘tu’ pad ka prayog kiya gaya hai.
prashn- gunavibhag aur karmavibhag kya hai tatha un donoan ke tattv ko janana kya hai?
uttar- sattv, raj aur tam- in tinoan gunoan ke karyaroop jo teees tattv haian, jinaka varnan poorvashlok ki vyakhya mean kiya gaya hai, in teees tattvoan ka samuday hi gun vibhag hai. dhyan rahe ki antahkaran ke jo sattvik, rajas aur tamas bhav haian, jinake sambandh se karmoan ke sattvik, rajas aur tamas- aise tin bhed mane jate haian aur jinake sambandh se amuk manushy sattvik hai, amuk rajas aur tamas hai- aisa kaha jata hai, ve gun vrittiyaan bhi gunavibhag ke hi antargat haian. uparyukt gunavibhag se jo bhinn-bhinn kriyaean ki jati haian, jinaka varnan poorv shlok ki vyakhya mean kiya ja chuka hai, jin kriyaoan mean kartattvabhiman evan asakti hone se manushy ka bandhan hota hai, un samast kriyaoan ka samooh hi karmavibhag haian. uparyukt gunavibhag aur karm vibhag sab prakriti ka hi vistar hai. atev ye sabhi jad, kshanik, nashavanh aur vikarashil haian, mayamay haian, svapn ki bhaanti bina hue hi pratit ho rahe haian. is gunavibhag aur karmavibhag se atma sarvatha alag hai, atma ka inase jara bhi sambandh nahian hai; vah sarvatha nirgun, nirakar, nirvikar, nity shuddh, mukt aur jnanasvaroop hai- is tattv ko bhali-bhaanti samajh lena hi ‘gunavibhag’ aur ‘karmavibhag’ ke tattv ko janana hai.
prashn- ‘gunavibhag’ aur ‘karmavibhag’ ke tattv ko janane vala jnan yogi sampoorn gun hi gunoan mean barat rahe haian, aisa samajhakar unamean asakt nahian hota- is vaky ka kya bhav hai?
uttar- is vaky se yah bhav dikhalaya gaya hai ki uparyukt prakar se gunavibhag aur karmavibhag ke tattv ko janane vala saankhyayogi man, buddhi, indriy aur sharir dvara hone vali harek kriya mean yahi samajhata hai ki gunoan ke karyaroop man, buddhi aur indriy adi karan hi gunoan ke karyaroop apane-apane vishayoan mean barat rahe haian, mera inase kuchh bhi sambandh nahian hai. is karan vah kisi bhi karm mean ya karmaphalaroop bhogoan mean asakt nahian hota arthath kisi bhi karm se ya usake phal se apana kisi prakar ka bhi sambandh sthapit nahian karata. unako anity, jad, vikari aur nashavanh tatha apane ko sada-sarvada nity, shuddh, buddh, nirvikar, akarta aur sarvatha asang samajhata hai. paanchave adhyay ke athavean aur navean shlokoan mean aur chaudahavean adhyay ke unnisavean shlok mean bhi yahi bat kahi gayi hai.
|
|