tritiy adhyay
prashn- samast indriyoan dvara karmayog ka acharan karana kya hai?
uttar- samast vihit karmoan mean tatha unake phalaroop is lok aur paralok ke samast bhogoan mean rag-dvesh ka tyag karake evan siddhi-asiddhi mean sam hokar, vash mean ki huee indriyoan ke dvara shabdadi vishayoan ka grahan karate hue jo yajn, dan, tap, adhyayan, adhyapan, prajapalan, len-denaroop vyapar aur seva evan khana-pina, sona-jagana, chalana-phirana, uthana-baithana adi samast indriyoan ke karm shastravidhi ke anusar karate rahana hai, yahi samast indriyoan se karmayog ka acharan karana hai. doosare adhyay ke chauansathavean shlok mean isi ka phal prasad ki prapti aur samast duahkhoan ka nash batalaya gaya hai.
prashn- ‘s vishishyate’ ka kya bhav hai? kya yahaan karmayogi ko poorv shlok mean varnit mithyachari ki apeksh shreshth batalaya gaya hai?
uttar- ‘s vishishyate’ se yahaan karmayogi ke samast sadharan manushyoan se shreshth batalakar usaki prashansa ki gayi hai. yahaan isaka abhipray karmayogi ko poorvavarnit keval mithyachari ki apeksha hi shreshth batalana nahian hai; kyoanki poorv shlok mean varnit mithyachari to asuri sampada vala dambhi hai. usaki apeksha to sakamabhav se vihit karm karane vala manushy bhi bahut shreshth hai; phir daivi sampadayukt karmayogi ko mithyachari ki apeksha shreshth batalana to kisi veshya ki apeksha sati stri ko shreshth batalane ki bhaanti karmayogi ki stuti mean ninda karane ke saman hai. atah yahaan yahi manana thik hai ki ‘s vishishyate’ se karmayogi ko sarvashreshth batalakar usaki prashansa ki gayi hai.
|