tritiy adhyay
sambandh- is prakar keval oopar se indriyoan ko vishayoan se hata lene ko mithyachar batalakar, ab asakti ka tyag karake indriyoan dvara nishkamabhav se kartavyakarm karane vale yogi ki prashansa karate haian-
yastvindriyani manasa niyamyarabhatearjun .
karmendriyai: karmayogamasakt: s vishishyate .. 7 ..
kiantu he arjun! jo purush man se indriyoan ko vash mean karake anasakt hua samast indriyoan dvara karmayog acharan karata hai, vahi shreshth hai .. 7 ..
prashn- yahaan ‘tu’ pad ka kya bhav hai?
uttar- oopar se karmoan ka tyag karane vale ki apeksha svaroop se karm karate rahakar indriyoan ko vash mean rakhane vale yogi ki vilakshanata batalane ke liye yahaan ‘tu’ pad ka prayog kiya gaya hai.
prashn- yahaan ‘indriyani’ aur ‘karmendriyaiah’- in donoan padoan se kaun-si indriyoan ka grahan hai?
uttar- yahaan donoan hi pad samast indriyoan ke vachak haian; kyoanki n to keval paanch indriyoan ko vash mean karane se indriyoan ka vash mean karana hi siddh hota hai aur n keval paanch indriyoan se karmayog ka anushthan hi ho sakata hai; kyoanki dekhana, sunana adi ke bina karmayog ka anushthan sambhav nahian. isaliye uparyukt donoan padoan se sabhi indriyoan ka grahan hai. is adhyay ke ikatalisavean shlok mean bhi bhagavanh ne ‘indriyani’ pad ke sath ‘niyamy’ pad ka prayog karake sabhi indriyoan ko vash mean karane ki bat kahi hai.
prashn- yahaan ‘niyamb’ pad ka arth ‘vash mean karana’ n lekar ‘rokana’ liya jay to kya apatti hai?
uttar- ‘rokana’ arth yahaan nahian ban sakata; kyoanki indriyoan ko rok lene par phir unase karmayog ka acharan nahian kiya ja sakata.
|