shrimadbhagavadgita tattvavivechani hindi-tika -jayadayal goyandaka
dvitiy adhyay
prashn- karmoan ke phaloan mean tera kabhi adhikar nahian hai, is kathan ka kya bhav hai? uttar- isase bhagavanh ne yah bhav dikhalaya hai ki manushy karmoan ka phal prapt karane mean kabhi kisi prakar bhi svatantr nahian hai; usake kaun se karm ka kya phal hoga aur vah phal usako kis janm mean aur kis prakar prapt hoga? isaka n to usako kuchh pata hai aur n vah apane ichchhanusar samay par use prapt kar sakata hai athava n usase bach hi sakata hai. manushy chahata kuchh aur hai aur hota kuchh aur hi hai. bahut manushy nana prakar ke bhogoan ko bhogana chahate haian, par isake liye suyog milana unake hath ki bat nahian hai. anek tarah ke sanyog-viyog ve nahian chahate, par balath ho jate haian; karmoan ke phal ka vidhan karana sarvatha vidhata ke adhin hai; manushy ka usamean kuchh bhi upay nahian chalata. avashy hi putreshti adi shastriy yajnanushthanoan ke saangopaang poorn hone par unake phal prapt hone ka nishchit vidhan hai aur vaise karm sakam manushy kar bhi sakate hai; parantu unaka yah vihit phal bhi karm-karta ke adhin nahian hai, devata ke hi adhin hai. isaliye is prakar ichchha karana ki amuk vastu ki, dhanaishvary ki, man-b daee ya pratishtha ki athava svarg adi lokoan ki mujhe prapti ho, ek prakar se ajnan hi hai. sath hi ye sab atyant hi tuchchh tatha alpakalasthayi anity padarth haian, atev tumako to kisi bhi phal ki kamana nahian karani chahie. prashn- to kya mukti ki kamana bhi nahian karani chahiye? uttar- mukti ki kamana shubhechchha hone ke karan mukti mean sahayak hai; yadyapi is ichchha ka bhi n hona uttam hai, parantu bhagavanh ke tattv aur marm ko yatharth rooph se jane bina is ichchha se rahit hokar aur eeshvarajna ke palan ko kartavy samajhakar heturahit karmoan ka acharan karana bahut hi kathin hai. atev mukti ki kamana karana anuchit nahian hai. mukti ki ichchha n rakhane se shighr mukti ki prapti hogi, is prakar ka bhav bhi chhipi huee mukti ki ichchha hi hai. prashn- ‘karmaphal ka hetu banana’ kya hai? aur arjun ko karmaphal ka hetu n banane ke liye kahane ka kya bhav hai? uttar- man, buddhi aur indriyoan dvara kiye hue shastravihit karmoan mean aur unake phal mean mamata, asakti, vasana, asha, spriha aur kamana karana hi karmaphal ka hetu banana hai; kyoanki jo manushy uparyukt prakar se karmoan mean aur unake phal mean asakt hota hai usi ko un karmoan ka phal milata hai, karmoan mean aur unake phal mean mamata, asakti aur kamana ka sarvatha tyag kar dene vale ko nahian.[1] atah arjun ko karmaphal ka hetu n banane ke liye kahakar bhagavanh yah bhav dikhalate haian ki paramashanti ki prapti ke liye tum apane kartavy karmoan ka anushthan mamata, asakti aur kamana ka sarvatha tyag karake karo. |
tika tippani aur sandarbh
- ↑ 18.12
sanbandhit lekh
kram sankhya | vishay | prishth sankhya |
varnamala kramanusar lekh khoj