shrimadbhagavadgita tattvavivechani hindi-tika -jayadayal goyandaka
chitr:Prev.png |
ashtadash adhyay
prashn- ‘mamata se rahit hona’ kya hai? uttar- man aur indriyoan ke sahit sharir mean, samast praniyoan mean, karmoan mean, samast bhogoan mean evan jati, kul, desh, varn aur ashram mean mamata ka sarvatha tyag kar dena; kisi bhi vastu, kriya ya prani mean ‘amuk padarth ya prani mera hai aur amuk paraya hai’ is prakar ke bhed bhav ko n rahane dena ‘mamata se rahit hona’ hai. prashn- ‘shantah’ pad kaise manushy ka vachak hai? uttar- upayukt sadhanoan ke karan jisake antahkaran mean vikshep ka sarvatha abhav ho gaya hai aur isi se jisaka antahkaran atal shanti aur shuddh sattvik prasannata se vyapt rahata hai- ‘shantah’ pad aise uparat manushy ka vachak hai. prashn- uparyukt visheshanoan ka varnan karake aisa purush sachchidanandaghan brahm mean abhinn bhav se sthit hone ka patr hota hai- yah kahane ka kya bhav hai? uttar- isase yah bhav dikhalaya gaya hai ki uparyukt prakar se sadhan karane vala manushy in sadhanoan se sampann hone par brahmabhav ko prapt hone ka adhikari ban jata hai aur tatkal hi brahmabhav-ko prapt ho jata hai, arthath usaki drishti mean atma aur paramatma ka bhedabhav sarvatha nasht hokar ‘maian hi sachchidanandaghan brahm hooan’ aisi dridh sthiti ho jati hai. us samay vah samast jagath mean apane ko sthit aur samast jagath ko apane mean kalpit dekhata hai.[1] |
chitr:Next.png |
tika tippani aur sandarbh
- ↑ 6. 29
sanbandhit lekh
kram sankhya | vishay | prishth sankhya |
varnamala kramanusar lekh khoj