madhukar niragun jnan tiharau.
tichchhan tej tapasya yamai, ka pai jat ju dharau..
ham abala mati ki sab bhori, sahaj gupal upasi.
man rami rahi manohar moorati, ko sumirai avinasi..
man maian mohan roop virajat, hriday manohar moorati.
nyari hotian n chit tai kabahooan, chhin pal ghari mahoorati..
aang aang chhavi basi saanvari, khali thaur n kooo.
jau kahuan thaur jog kau hotau, lai dharati ham sooo..
khelat sauh kari nandanandan, hamasau kachhu n durayau.
nisi din rahyau samip hamarai, jog mantr kahan payau..
ras ki riti saanvarau boojhai, birah jog nahian janai.
paramarath ki bat sunai nahian, chhuvat prem ki khanai..
un papi hamahi kau pathayau, anat nahian sukh baantau.
'sooradas' prabhu sikh batavai, sahad lai kai chaantau..3926..
