|
adhyay-6
sachcha yog
yog ke abhyas ke lie bataye gaye gunoan ki tulana susamachar (ianjil) ke daridrata, behmachary aur ajnapalan ke un adeshoan ke sath ki ja sakati hai, jinake dvara ham sansar, sharir aur shaitan par vijay prapt karate haian
sab vicharoan ko nishchal kar dene ki nakaratmak prakriya ka ek sakaratmak paksh bhi hai, aur vah hai atma mean ekagrata. yogabhyas mean eeshvarapranidhan ko bhi ek upay bataya gaya hai. man sthir ho jata hai, parantu vah rikt nahian rahata, kyoanki vah bhagavanh mean ekagr rahata hai, machchitah matparah.
keval vahi log vastavik (brahm) ko dekh sakate haian, jinaki drishti ekagr ho. atmik jivan koee prarthana ya yachana nahian hai. yah to prabhoot bhakti, maun upasana hai. yah atma ki antarikatam gaharaiyoan tak, jo vyaktik atma ko sidha brahm-tattv se sambandhit karati haian, pahuanchane ke lie chetana ka dvar hai. jo is kala ko sikhate haian, unake lie kisi bahm sahayata, kisi dharmasiddhant mean vishvas ya kisi karmakand mean bhag lene ki avashyakata nahian rahati. unhean srijanatmak drishti prapt ho jati hai, kyoan ki ve anasakti ke sath tallinata ka mishran karate haian. ve sansar mean karm karate haian, parantu unaki vasanashoony atma ki prashantata akshubdh rahati hai. unaki tulana sarovar ke kamal se ki jati hai, jo ki toophan mean bhi akampit hi bana rahata hai.
|
|
