shrijnaneshvari -sant jnaneshvar
|
|
adhyay-11
vishvaroop darshanayog
arjun ne mano darakar hi in shastrayukt hathoan ki or se apani aankhe pher li aur tab vah bhagavanh ka kanth aur mastak dekhane laga. jinase parijat ki srishti huee thi, jo mahasiddhiyoan ke mool pith haian aur jinamean shram prapt lakshmi vishram leti haian, ve atyant nirmal pushp us kanth aur mastak par dharan kiye hue dikhayi diye. mastak par phooloan ke guchchhe, alag-alag avayavoan par phooloan ke jal, gajare aur jhalarean ityadi tatha kanth mean alaukik pushpamalaean lahara rahi thian. prabhu ke nitamb par pitambar is prakar shobha de raha tha ki mano svarg ne soory ke tej ka paridhan dharan kiya ho athava merugiri svarn se achchhadit kar diya gaya ho. jaise kapooravarn shankar ko kapoor ka ubatan lagaya gaya ho athava kailash ke dhavalagiri par pare ka lep chadhaya gaya ho athava kshirasamudr ko dugdh ke sadrish dhaval vastr pahanaya gaya ho athava chaandani ki tah lagakar akash par usaki kholi chadhayi gayi ho, vaise hi chandan ka lep bhagavanh ke poore sharir mean laga hua dikhayi diya. jis sugandh ke dvara atmasvaroop ka tej aur adhik dyutimanh hota hai, jisase brahmanand ke dah ka shaman hota hai, jisase prithvi ko jivan prapt hota hai, virakt sannyasi bhi jisaki sangati karate haian aur anang (kamadev) bhi jo apane sarvaang mean lagata hai, us sugandh ki mahima ka varnan bhala aur kaun kar sakata hai? |
|
sanbandhit lekh
| kram sankhya | vishay | prishth sankhya |