shrijnaneshvari -sant jnaneshvar
adhyay-8
aksharabrahm yog
is prakar shukl (archiradi marg) aur krishn (dhoomr marg) ye donoan marg anadi kal se chale a rahe haian, inamean se pratham marg sidha aur doosara tirachha (tedha) hai, isiliye maianne buddhi-bal se hi usaka vistrit varnan karake tumhean batalaya hai. isamean hetu yahi hai ki tum achchhe aur bure marg ko dekh lo, saty aur asaty ki pahachan kar lo, hit tatha ahit jan lo aur tab apane kalyan ka sadhan karo. dekho, yadi kisi vyakti ko achchhi-khasi nauka dikhayi p dati ho, to kya phir vah kisi athah jalashay mean koodega? athava yadi kisi ko koee suvidhajanak chalataoo aur uttam marg maloom ho, to kya vah kisi jangal ke raste chalega? jo amrit aur vish ke antar ko pahachanata ho, vah kya kabhi amrit ko chho d dega? isi prakar jise sugam marg drishtigochar hota ho, vah kabhi tedhe-medhe marg par nahian jayaga. isi prakar samane aye hue bhale-bure ki tatha sachche aur jhoothe ki parakh achchhi tarah se kar leni chahiye; jo vyakti isaki parakh kar leta hai, usake samane yadi koee apada akar kh di bhi ho jay to bhi usaki kuchh hani nahian hoti, anyatha dehavasan ke samay bahut b da anarth ho jata hai aur in donoan margoan ke vishay mean bhranti hone ke karan b di kharabi hoti hai aur ajanm jis yog ka abhyas kiya jata hai, vah ekadam bekar hi ho jata hai. yadi antakal mean jiv archiradi marg se bhatakakar dhoomramarg mean lag jay to phir use sansar ke bandhan mean bandhana p data hai aur jivan-mrityu ke chakr mean p dakar bhatakana p data hai. mujhe in donoan margoan ko isaliye spasht karake dikhalane ki avashyakata p di hai ki tumhare dhyan mean is avastha ke mahakasht a jayan aur tum yah achchhi tarah se jan lo ki in sab kashtoan ka kis tarah ant kiya ja sakata hai. in donoan yogamargoan mean se ek ke dvara jiv brahmasvaroop ka mahattv prapt karata hai aur doosare ke dvara vah jivan-mrityu ke jhanjhatoan mean ulajhata hai. parantu ant samay mean jisako in donoan margoan mean se jo marg daivayog se mil jay, vahi usaka marg hai.[1] |
tika tippani aur sandarbh
- ↑ (238-246)
sanbandhit lekh
kram sankhya | vishay | prishth sankhya |