जावट ग्राम नन्दगाँव

yah lekh vishesh roop se krishnakosh ke lie bharatakosh se sabhar

javat gram nandagaanv
vivaran	yah nandagaanv ke poorv mean lagabhag do mil ki doori par sthit hai. kabhi vilas ke samay shriradhika ji ke charan kamaloan ka mahavar rasik shrikrishn ne apane vaksh sthal par jahaan dharan kiya tha, us vatavriksh se sushobhit sthan ka nam yav gaanv ya javat gaanv prasiddh hai.
rajy	uttar pradesh
zila	mathura
prasiddhi	hindoo dharmik sthal
kab jaean	kabhi bhi
	bas, kar, aauto adi
kya dekhean	nandagaanv, nand ji mandir, jatila ki haveli, barasana, latthamar holi, nandakund, panihari kund, nand baithak adi.
es.ti.di. kod	05622
sanbandhit lekh	nandagaanv, krishn, radha, vrishabhanu, jatila, lalita sakhi, vishakha sakhi, vrindavan, mathura, govardhan, adi.
any janakari	javat gaanv ke pashchim bhag mean ooanche tile par jatila ki haveli hai isamean jatila, kutila aur abhimanyu ki moortiyaan haian. ab yahaan par vartaman samay mean shriradhakantaji ka mandir hai, jisamean radha evan krishn ke darshan haian.
adyatan‎	14:05, 6 agast 2016 (IST)

javat gram / yav gram
nandagaanv ke poorv mean lagabhag do mil ki doori par javat ya yav gram' sthit hai. yah radha-krishn yugal ke atyant rahasyapoorn vilas ka sthan hai. un sabaka varnan karana sambhav nahian hai. kabhi vilas ke samay shriradhika ji ke charan kamaloan ka javak rasik shrikrishn ne apane vaksh sthal par jahaan dharan kiya tha, us vatavriksh se sushobhit sthan ka nam yav gaanv ya javat gaanv prasiddh hai.

isi gaanv mean jatila gopi apane putr abhimanyu evan kanya kutila ke sath nivas karati thi. maharaj vrishabhanu gop ne yogamaya poornamasi ki ajnanusar apani la dali beti shriradhika ka vivah jatila ke putr abhimanyu ke sath kiya tha. abhimanyu apane ko shriradhika ka pati hone ka abhiman to rakhata tha, kintu bhagavati yogamaya ke prabhav se vah radhika ji ki chhaya ko bhi sparsh karane mean samarth nahian tha. vah sadaiv kisi vishesh sankochavash goshala mean apani goooan ko sanbhalane athava apane samavayask gopoan ke sang mean magn rahata tha.

maharaj vrishabhanu ne apani pyari beti ke lie javat mean ek sundar rajabhavan ka nirman karava diya tha. isamean radhika ji apani saheliyoan ke sath anandapoorvak nivas karati thian. mukhara ji pratidin prat:kal apani pyari pautri ko dekhane ke lie ati thian. bhaktiratnakar mean in sab lilaoan ka b da hi marmasparshi madhur varnan hai.

jatila aur kutila grihakaryoan mean sanlagn rahati thi. idhar vidagdh sakhiyaan nana prakar ke chhal-bahanoan ka ashray lekar radhika se shrikrishn ka milan karati thian. vastav mean yah parakiya bhav rasaposhan ke lie yogamaya dvara siddh haian kyoanki radhika shrikrishn ki ahladini shakti ki moortt vigrah tatha nity krishnakanta-shiromani haian. jis prakar ag aur usaki dahika shakti athava soory aur usaka prakash nity abhinn haian, unhean kabhi bhi alag-alag nahian kiya ja sakata, usi prakar shrikrishn aur unaki parashakti shriradha ji abhinn aur avichhinn haian. keval ras vilas ke asvadan ke lie hi ek hi atma do svaroopoan mean prakashit hai. jis prakar ravan chhaya sita ka hi apaharan kar saka tha, mool sita ka sparsh bhi nahian kar paya tha, usi prakar yahaan abhimanyu ke sath radhika ke sambandh mean vichar kiya jata hai. maharaj vrishabhanu ne apani pyari beti ke lie javat mean ek sundar rajabhavan ka nirman karava diya tha. isamean radhika ji apani saheliyoan ke sath anandapoorvak nivas karati thian. mukhara ji pratidin prat:kal apani pyari pautri ko dekhane ke lie ati thian. bhaktiratnakar mean in sab lilaoan ka b da hi marmasparshi madhur varnan hai.

prasang

kisi samay radhika ke man ke karan shrikrishn radhika se mil nahian sake. ve atyant virah se katar ho gaye. ek din krishn vishakha se paramarsh kar ek vipr batuk ka vesh dharan karake-bagal mean pothi, kandhe par yajnopavit, pairoan mean kh daooan, hathoan mean dand aur bhiksha patr dharanakar javat gaanv mean kutila ke dvar par upasthit hokar alakh jagane lage. prat:kal ka samay tha. jatila, kutila donoan gobar ke kande bana rahi thian. snan ityadi nahian kiya tha. apavitr avastha mean bhiksha n de sakane ke karan jatila ne pukarakar bahoo radhika ko bhiksha dene ke lie adesh diya. kintu unhoanne parapurush ke samane ane se nishedh kar diya. kintu vah bhikshu vatu bhi nirale dhang ka tha, bola- maiya ! maian adhik der nahian thahar sakata. keval ek godohan kal tak hi maian pratiksha kar sakata hooan. ab maian laut raha hooan. jatila ji ne socha yadi yah vipr batu khali hath laut gaya to mere kul ke lie bahut hi ashubh hoga. gooean mar jaeangi athava kisi ki mrityu bhi ho sakati hai. isalie grih mean pravesh kar bahoo ko bahut pyar se samajhakar kuchh bhiksha dene ke lie barambar anurodh kiya aur svayan pun: kande thapane chali gee. idhar lalita, vishakha adi sakhiyoan ke sath radhika ghooanghat nikalakar hathoan mean ata, dal, sabji se bhare ek patr ko lekar bhiksha dene ke lie dvar par upasthit huee. unhoanne ghooanghat kadhe hue avastha mean hi bhikshuk ko bhiksha deni chahi, kintu bhikshuk ne anunay vinay ke svar mean kaha- mujhe apane durlabh man ko pradan karean. aisa sunate hi priya ji samajh geean, unhoanne muskurate hue ghooanghate ko kuchh oopar uthakar batuk ke sir par bhiksha ke dravy u del diye. batu nihal hokar radhika ki is bhiksha ka smaran karata hua anand se laut gaya.

doosara prasang

ek samay maan yashoda apane bhandaraghar mean ek b de se sandook mean moolyavan vastr-lahange, choliyaan, odhani tatha vividh prakar ke alankar sajakar rakh rahi thian. itane mean natakhat krishn vahaan a dhamake. ve pichhe se maiya ke gale mean hath dalakar b de agrah se poochhane lage- maiya ! kya aj mera janmadivas hai jo ap mere lie in vastroan evan alankaroan ko saza rahi ho. maiya ne jara khijakar kaha- jao abhi khelo, mujhe tang mat karo. yah sunakar krishn kuchh anamane hokar vahaan se chale to gaye kintu chhipakar dekhane lage. maiya javat mean radhika ko bhejane ke lie is sandook ko prastut kar rahi thian. kathor hriday jatila ko prasann rakhane lie bich-bich mean aise hi upahar vahaan bheja karati thian, jisase vah apani bahoo ko yahaan ane se nishedh n karean.

shrikrishn bahut chatur the, ve is vishay ko samajh gaye. jab maiya isase nipatakar kisi doosare kam mean sanlagn ho gee, to krishn subal sakha ko sath lekar vahaan pahuanche. sandook se sara saman nikalakar svayan us mean baith gaye. subal ne sandook ko band kar poorvavat tale j d diye. idhar yashoda ji ke anurodh se abhimanyu us sandook ko lene aya, kyoanki bahumooly dravyoan se bhare sandook ko kisi doosare ko nahian diya ja sakata tha. abhimanyu sandook ko sir par rakhakar b de kasht se javat gram mean apani maiya ke pas le gaya. maiya ne kaha- beta, is sandook mean bahoo ke lie atyant moolyavan vastr evan alankar bhare hue haian. tum usi ke pas rakh ao. vah prasannata se radhika ke pas is sandook ko rakh aya. usake vahaan se chale jane ke bad sakhiyoan ne b di utsukata se sandook ko khola aur kautuki shyamasundar ko usamean baithe hue dekhakar khilakhilakar hans p di. phir to anand ki sima nahian rahi. radha aur krishn donoan b de prem se mile, sakhiyaan bhi nihal ho geean.

tisara prasang

kisi samay radhika man karake baith gee aur kuchh dinoan tak krishn se nahian milian. sakhiyaan unako vividh prakar se man parityag karane ke lie samajha rahi thian. kintu is bar unaka man b da hi durjey tha. idhar shrikrishn, radha ke virah mean atyant katar ho rahe the. unako atyant virahatur dekhakar subal sakha unaka radha ji se milan karane ka upay sochane laga. vah vayas tatha roop, boli adi mean thik radhika ke saman tha tatha anek kalaoan mean paradarshi tha. usane krishn ko saantvana dete hue kaha- tum itane vyakul kyoan ho rahe ho? tum isi kunj mean tho di der pratiksha karo, maian priya ji ke sath tumhara milan karata hooan. aisa kahakar vah yav gram chala gaya. vahaan jatila ne use dekhakar kaha- are subal ! too to lampat krishn ka sakha hai. idhar hamari haveli ke pas kyoan mandara raha hai? jaldi yahaan se bhag ja. subal ne kaha- maiya ! mera ek bachh da kho gaya hai, vah kahian mil nahian raha hai maian usako khojane ke lie aya hooan. jatila ne kaha- yahaan tera koee bachh da–bachh da nahian aya too shighr bhag ja, kintu subal ke barambar anurodh karane par usane kaha- maian abhi kande bana rahi hooan. tum khi dak mean jakar dekh lo. yadi tumhara bachh da ho to le jao. subal ji prasann hokar khi dak se hote hue radhika ji ki atari mean pahuanche. unhoanne krishn ke virah ka aisa varnan kiya ki radhika ji ka hriday pighal gaya tatha ve turant krishn ko saantvana dene ke lie prastut ho geean. kintu jaean to kaise? subal ne apane vastr dekar radhika ji ka thik apane jaisa vesh bana diya. sir par tedhi pag, kamar mean dhoti, hath mean lathiya, gale mean gunja mala aur godi mean ek chhota sa bachh da mano subal hi apane khoye hue bachh de ko apani godi mean lekar muskarata hua ja raha hai. godi mean bachh da isalie ki koee bhi unaka vakshasthal dekhakar shak n kar sake. idhar subal radhika ka vesh dharan kar sakhiyoan ke sath batean karane laga. jab radhika ji subal ke vesh mean khi dak se nikal rahi thian, us samay jatila ne unhean dekhakar kaha- kya bachh da mil gaya? radhika ji ne subal ke svar mean kaha- maiya ! bachh da mil gaya, dekho- yahi mera bachh da hai, jatila ko tanik bhi sandeh nahian hua. radhika subal ke batalaye hue sanketoan se krishn ke nikat pahuanchian to krishn ne virah mean du:khi hokar poochha– sakhe! meri priya ji ko nahian la sake, mere pran nikal rahe haian maian kya karooan, kahaan jaooan? krishn ki aisi dasha dekhakar radhika ji se raha nahian gaya. unhoanne bachh de ko rakh diya aur krishn se lipat gee. radha ji ka komal sparsh aur aangoan ka saurabh pakar krishn sab kuchh samajh gaye. unaka sara khed door ho gaya. ve subal ki buddhi ki pun:-pun: prashansa karate hue priya ji ke sath kri da-vinod karane lage. kuchh der bad subal bhi yahaan upasthit ho gaya aur donoan ka milan dekh b da hi prasann hua.

chaturth prasang

ek samay shrikrishn radhika se milane ke lie atyant utkanthit ho vihval ho gaye. ve rat ke samay javat pahuanchakar jatila ki haveli ke pas hi ek ber ke pe d ke niche kh de hokar radhika ji se milane ki pratiksha karane lage tatha isi pe d ki dal par baithakar thik koyal ki bhaanti kuhakane lage. radhika aur unaki saheliyaan samajh gee ki yah kokil aur koee nahian shrikrishn hi milane ki utkantha mean ber ke pe d ke niche pratiksha kar rahe haian. krishn jaise hi bhavan mean pravesh ke lie cheshta karate satark jatila tho di-si ahat pakar hi chilla uthati 'ko ai re', aisa sunakar krishn pun: jha diyoan ke bich mean chhip jate. is prakar krishn sari rat radhika se milane ki pratiksha karate rahe. kintu mil nahian sake. jyoan hi ve haveli ke bhitar pravesh karana chahate, jatila ke shabd sunakar pun: chhip jate. ant mean hatash hokar laut aye. shriroop gosvami ne 'ujjvalanilamani' namak granth ke ek prasang mean aisa likha hai-

sanketikritakokiladininadan kansadvish: kurvato
dvaronmochanalolankhavalayakvanan muhu: shrrinvat:.
keyan keyamiti pragalbhajarativakyen doonatmano.
radhapragnanakonakolivitapikro de gata sharvari.. (ujjvalanilamani)

ek sakhi apani priy sakhi ko biti rat shriradha-krishn ki paradhinatapoorn charitr ka varnan kar rahi hai. pichhali rat ko shrikrishn radhika ke aangan mean ber ke niche kh de hokar bar-bar koyal pakshi ki bhaanti ninad karane lage. is sanket ko samajhakar radhika ji jab-jab kapat kholane ke lie prastut hotian, tab-tab unaki choo diyoan evan nupooroan ki dhvani hoti aur shrikrishn bhi use sunate the kintu grih ke bhitar se pragalbha vriddha jatila ke pun:-pun: 'ko e re' chillahat ko sunakar shrikrishn ne rat bhar vyathit chitt se us ber-vriksh ke niche hi vyatit kar di.

darshaniy sthan

1. jatila ki haveli- gaanv ke pashchim bhag mean ooanche tile par jatila ki haveli hai isamean jatila, kutila aur abhimanyu ki moortiyaan haian. ab yahaan par vartaman samay mean shriradhakant ji ka mandir hai, jisamean radha evan krishn ke darshan haian. sakhiyaan yahian par jatila, kutila aur abhimanyu ko vanchit kar radhika ji se krishn ka milan karati thian.
2. khi dak ya vatsakhor- subal sakha ne apane bachh de ke kho jane ke bahane jatila ji ko vanchit kar radhika ko apane vesh mean krishn se milane ke lie bheja tha. aj bhi abhimanyu ka yah khi dak vatsakhor ke nam se prasiddh hai.
3. beriya- khi dak ke pas hi beriya sthit hai. yahian par saghan kunjoan ke bich mean ek ber ka pe d tha. jahaan kisi samay krishn rat bhar radhika se milane ki pratiksha karate rahe.
4. panihari kund- beriya ke uttar mean pas hi panihari kund sthit hai. jahaan gopiyaan pani bharane ke lie jati thian. kabhi-kabhi krishn is panihari kund par gopiyoan se milate the.
5. mukhara marg- isi marg se mukhara ji apani pautri radhika se milakar unhean arshivad dene ke lie pratidin prat:kal ullasapoorvak ati thian tatha unhean ashirvad dekar isi marg se laut jati thian.
6. kutila dooshan sthan- yahaan jatila ki kanya kutila apane kutil svabhav ke karan sadaiv radhika par nana prakar se akshep karati thi. jhooth-mooth radhika par doshoan ka arop lagati thi. usane kisi samay yahian par krishn ko radhika se milate hue dekha to usane us kamare ka daravaza band kar diya tatha ho–halla machakar apani maiya jatila, bhaiya abhimanyu chhota bhaiya durmad aur poornima sabako ekatr kar liya tatha unase kahane lagi- isi kothari mean maianne kalankini bahoo ko krishn ke sath band kar rakha hai. parantu sabake samane jab kapat khola gaya to vahaan sabane radha ji ko kali moorti ki pooja karate hue dekha phir kya tha? sabhi log kutila ko vyarth hi kisi par kalank lagane ke lie daantane lage. vah bechari muanh latakaye hue vahaan se chali gee.
7. radhikagaman path-sakhiyoan ke sath radhika ji isi marg se hokar soory pooja karane ke lie jati ati thian. marg mean pas hi kadamb kanan hai, jahaan shrikrishn b di utsukata se ati-jati huee radhika ka darshan karate tatha unake vastraanchal ko khianchate the
8. pivan kund- kadamb kanan ke bich mean pivan kund hai, jahaan kautuki krishn ne sakhiyoan ke iangit se radhika ke adharasudha ka pan kiya tha isalie is kund ka nam pivanakund hua hai. yah kund donoan ke pritimay vilas ka sthan hai
9. krishn kund- saghan vatavrikshoan se pariveshtit yah sthan radha-krishn yugal ke nana prakar ki kri da-vilas ko apane aank mean chhipakar avasthit hai. yah kund gaanv ke dakshin mean hai.
10. la dali kund- yahaan lalitaji guptaroop se radhakrishn yugal ka milan karati thian.
11. narad kund ya varaprapti sthal- yahaan par durvasa rrishi ne radhika ji ko amrit hast hone ka var diya tha arthat tum apane hathoan se jo kuchh pak karogi vah sab dravy amrit-svaroop ho jayega. jo koee tumhare hath se pake ann-vyanjan adi ko grahan karega, vah chiranjivi; sur-asur sabako parajit karane vala, mahaparakrami aur ajey hoga. padmapuran mean is akhyan ka varnan hai.
12. gocharan path- sakhaoan ke sath shrikrishn isi marg se gocharan ke lie jate aur gocharan se lautate the. us samay alakshit roop mean yahian par radha-krishn yugal ek doosare ka darshan karate the.
13. kishori kund ya radhakund- gaanv ke poorv mean kishori ji ka mandir aur kishori kund hai. kabhi-kabhi shrikrishn yahaan sakhiyaan evan shriradhika ji ke sath is kund mean jal-kri da karate the. sakhiyoan ke aango mean lagi huee kumakum, kesar tatha anyany aangarag se siannchit hokar yah kund abhi bhi un madhurmay lilaoan ko apane mean sanjoye hue hai.
14. rasamandal- yahaan sakhiyoan ke sath radhika ji ne saptavarshiy krishn ke sath atyant vihval hokar rasadi lilaean ki haian.
15. padmavati vivah sthal- yahaan par rangili brajabalaoan ne chandra ki sakhi padmavati ji ke sath nandanandan ka vivah rachaya tha. kishori radhika ji b di udar hriday ki haian. unhian ke ishare par lalita adi sakhiyoan ne padmavati ko vadhoo ke roop mean sajakar pahale se hi asan par baithe hue krishn ke bayian or baitha diya tatha krishn ke pitambar ke chhor se usake vastranjal ko baandhakar vivah ke git gane lagian. padmavati atyant sankoch mean p di huee krishn ki or niharane lag gee.
16. chir kund aur hindola sthan- ye kishori kund ke pas hi atyant ramaniy sthan hai.
17. paral ganga- yah javat ke uttar-pashchim kon mean sthit hai. is kund ke pashchim tat par ek prachin parijat namak vriksh hai. vaishakh mah mean is par phool lagate haian. aisi manyata hai ki ise radha ji ne svayan apane hathoan se aropit kiya tha. tabhi se yah vriksh shakha-prashakhaoan ke madhyam se abhi tak virajaman hai. kahate haian yah paral-ganga ek siddh sarovar hai. radhika ji ne yahaan bhagavati ganga ki ek dhara ko prakatit kiya tha.