shri shrichaitany-charitavali -prabhudatt brahmachari53. nimaee aur nitaee ki prem-lila
ek din prabhu ne shrivas pandit ki pariksha karane ke nimitt tatha yah janane ke liye ki shrivas ka nityanand ji ke prati kitana hardik sneh hai, unhean ekant mean le jakar poochhane lage- 'pandit ji! in avadhoot nityanand ji ke kul-gotr tatha jati adi ka kuchh bhi pata nahian. is ajnatakulashil avadhoot ko apane apane ghar mean sthan dekar kuchh uchit kam nahian kiya. ap inhean putr ki tarah pyar karate haian. kaun jane ye kaise haian? isaliye apako inhean apane ghar mean putr ki tarah nahian rakhana chahiye. ye sadhuoan ki tarah ganga-kinare ya kahian ghat par rahean aur maange khayan. sadhu ko kisi ke ghar rahane se kya kam? is vishay mean apake kya vichar haian? kya ap mujhase sahamat haian.' prabhu ki aisi bat sunakar gadgad-kanth se shrivas pandit ne atyant hi dinata ke sath kaha- 'prabho! apako hamari is prakar se pariksha karana thik nahian. ham sansari vasanaoan mean abaddh pamar prani bhala prabhu ki parikshaoan mean uttirn hi kaise ho sakate haian? jab tak prabhu svayan kripa n karean, tab tak to ham sada anuttirn hi hote raheange. maian yah khoob janata hooan ki nityanand ji prabhu ke bahy pran hi nahian, kiantu abhinn vigrah bhi haian. prabhu unhean bhinn-se pratit hone par bhi bhinn nahian samajhate. jo prabhu ke itane priy haian ve nityanand ji yadi sharab pikar agamyagaman bhi karean aur mujhe dharm-bhrasht bhi kar dean tab bhi mujhe unake prati ghrina nahian hogi. nityanand ji ko maian prabhu ka hi svaroop samajhata hooan.' itana kahakar shrivas pandit prabhu ke padapadmoan ko pak dakar phoot-phootakar rone lage. prabhu ne unhean apane komal karoan se uthaya aur premaliangan karate hue kahane lage- 'shrivas! tumane aisa uttar dekar sachamuch mean mujhe kharid liya. is uttar se maian tumhara kritadas ban gaya. maian tumase atyant hi santusht hua. mera yah ashirvad hai ki kisi bhi dasha mean tumhean kisi avashyakiy vastu ka ghata nahian hoga aur tumhare ghar ke kutte tak ko shrikrishn-prem ki prapti ho sakegi. tumhara mere prati aisa anany anurag hai, isaka pata mujhe aj hi chala.' itana kahakar prabhu apane ghar ko chale gaye. ek din prabhu ne shachimata se kaha- 'maan! meri ichchha hai aj nityanand ji ko apane ghar bhojan karavean. too aj apane hathoan se badhiya-badhiya bhojan banave aur ham donoan bhaiyoan ko chauke mean bithakar svayan parosakar khilave, yahi meri ichchha hai.' |
tika tippani aur sandarbh
sanbandhit lekh
kram sankhya | vishay | prishth sankhya |