gauri ganeshvar binooan (ho), devi sarad tohian.
gavauan hari kau sohilau (ho), man-akhar dai mahian.
harashi badhava man bhayau (ho), rani jayau poot.
ghar-bahar maangai sabai (ho), thadhe magadh-soot.
ath mas chandan piyau (ho), navean piyau kapoor.
dasean mas mohan bhaye (ho), aangan bajai toor.
harashian pas-parosinaian (ho), harash nagar ke log.
harashian sakhi-sahelari (ho), anand bhayau subh-jog.
bajat bajaian gahagahe (ho), bajai mandir bheri.
malini baandhai torana (re), aangan ropaian kari.
anagadh sona dholana (gadhi), lyae chatur sunar.
bich-bich hira lage (nand), lal-gare ko har.
jasumati bhag-suhagini (jini), jayau hari sau poot.
karahu lalan ki arati (ri), aru dadhi kaandau soot.
naini bolahu nav nangi (ho), lyau mahavar beg.
lakh taka aru jhoomaka (dehu), sari dai kau neg.
agaru chandan kau palanau (rangi), iangur dhar-sudhar.
le jayauan gadhi dolana (ho), visakarma sutahar.
dhani so din, dhani so ghari (ho), dhani-dhani jotish-jag.
dhany–dhany mathurapuri (ho), dhany mahar kau bhag.
dhani-dhani mata devaki (ho), dhani basudev sujan.
dhani-dhani bhadauan ashtami (ho), janam liyau jab kanh.
kadhau kaure kapara (aru), kadhau़ ghi ke maun.
jati-paanti pahirai kai (sab), samadi chhatisau paun.
kajar-rori anahoo (mili), karau chhathi kau char.
aipan ki si pootari (sab), sakhiyani kiyau siangar.
krit mukut sobha bani (subh), aang bani banamal.
sooradas gokul pragat (bhe), mohan madan gopal..40..
