gita rahasy athava karmayog shastr -bal gangadhar tilak
|
pahala prakaran
jo kuchh bhed hai, vah shesh vachanoan ya shlokoan ke vishay hi mean hai. yadi in vachanoan ka saral arth liya jay to vah sabhi sampradayoan ke liye saman anukool nahian ho sakata. isaliye bhinn-bhinn saanpradayik tika kar in vachanoan mean se jo apane sanpraday ke liye anukool ho unhian ko pradhan manakar aur any sab vachanoan ko gaun samajhakar, athava pratikool vachanoan ke arth ko kisi yukti se badalakar ya subodh tatha saral vachanoan mean se kuchh shesharth ya anuman nikalakar, yah pratipadan kiya karate hai ki hamara hi sanpraday ukt pramanoan se siddh hota hai. udaharanarth,[1] shlokoan par hamari tika dekho. parantu yah bat sahaj hi kisi ki samajh mean a sakati hai ki ukt saanpradayik riti se kisi granth ka tatpary nishchit karana; aur is bat ka abhiman n karake ki gita mean apana hi sanpraday pratipadit hua hai athava any kisi bhi prakar ka abhiman karake samagr granth ki svatantr riti se pariksha karana aur us pariksha hi ke adhar par granth ka mathitarth nishchit karana, ye donoan batean svabhavatah atyant bhinn hai. granth ke tatpary-nirnay ki saanpradayik drishti sadosh hai isaliye ise yadi chho d de to ab yah batalana chahiye ki gita ka tatpary arth janane ke liye doosara sadhan hai kya? granth, prakaran aur vakyoan ke arth ka nirnay karane mean mimaansak log atyant kushal hote haian. is vishay mean un logoan ka ek prachin aur sarvamany shlok haiah- upakramopasanharau abhyasoapoorvata phalamh. jinamean ve kahate haian ki kisi bhi lekh, prakaran athava granth ke tatpary ka nirnay karane mean, ukt shlok mean kahi huee, sat batean, sadhan-liang svaroop haian, isaliye in sab batoan par avashy vichar karana chahiye. inamean sabase pahali bat 'upakramopasanharau' arthat granth ka arambh aur aant hai. koee bhi manushy apane man mean kuchh vishesh hetu rakhakar hi granth likhana arambh karata hai aur us hetu ke siddh hone par granth ko samapt karata hai. atev granth ke tatpary-nirnay ke liye, upakram aur upasanhar hi ka, sabase pahale vichar kiya jana chahiye. sidhi rekha ki vyakhya karate samay bhoomitishastr mean aisa kaha gaya hai ki aranbh ke bindu se jo rekha dahine-baean ya oopar-niche kisi taraph nahian jhukati aur aantim biandu tak sidhi chali jati hai. use saral rekha kahate hai. granth ke tatpary-nirnay mean bhi yahi siddhaant uparyukt hai. jo tatpary granth ke arambh aur aant mean saph saph jhalakata hai vahi granth ka saral tatpary hai. aranbh se aant tak jane ke liye yadi any marg hoan bhi to unhean tedhe samajhana chahiye; adyant dekh kar granth ka tatpary pahale nishchit kar lena chahiye aur tab yah dekhana chahiye ki us granth mean 'abhyas' arthat punarookti-svaroop mean bar bar kya kaha gaya hai? kyoanki granthakar ke man mean jis bat ko siddh karane ki ichchha hoti hai usake samarthan ke liye vah anek bar kee karanoan ka ullekh karake bar bar hi nishchit siddhaant ko pragat kiya karata hai aur har bar kaha karata hai ki "isiliye yah bat siddh ho gee," "atev aisa karana chahiye" ityadi. granth ke tatpary ka nirnay karane ke liye jo chautha sadhan hai usako 'apoorvata' aur paanchavean sadhan ko 'phal' kahate hai. apoorvata kahate haian navinata ko. koee bhi granthakar jab granth likhana shuroo karata hai tab vah kuchh nee bat batalana chahata hai; bina kuchh navinata ya vishesh vaktavy ke vah granth likhane mean pravrit nahian hota; vishesh karake yah bat us jamane mean paee jati thi jabaki chhape khane nahian the. isaliye; kisi granth ke tatpary ka nirnay karane ke pahale yah bhi dekhana chahiye ki usamean apoorvata, visheshata ya navinata kya hai? |
|
tika tippani aur sandarbh
- ↑ gita 2.12 aur 16;3.16;6.3; aur 18.2
sanbandhit lekh
| prakaran | nam | prishth sankhya |
varnamala kramanusar lekh khoj