patan kaise hoga?
ahankar ka ashray lekar toone yuddh n karane ka jo nishchay kiya hai, tera vah nishchay jhootha hai; kyoanki tera kshatr svabhav tere ko yuddh mean laga hi dega. he kuntinandan! apane svabhavajany karm se bandha hua too moh ke karan jo yuddh nahian karana chahata, usako too kshatr svabhav ke paravash hokar karega..59-60..
vah kshatr svabhav kaise yuddharoop karm karayega maharaj?
he arjun! antaryami eeshvar sampoorn praniyoan ke hriday mean sthit hai. vah apani maya se shariraroopi yantr par aroodh hue sampoorn praniyoan ko unake svabhav ke anusar ghumata hai..61..
is paravashata se nikalane ka upay kya hai?
he bharatavanshi arjun! too sarvabhav se un antaryami eeshvar ki hi sharan mean chala ja. usaki kripa se tujhe sansar se sarvatha uparati aur avinashi paramapad ki prapti ho jayagi. maianne yah gopaniy-se-gopaniy sharanagatiroop jnan tere se kah diya. ab too is par achchhi tarah se vichar karake jaisa chahata hai, vaisa kar..62-63..
|