chitr:Prev.png
|
gita-prabandh -shri aravind
4.upadesh ka karm
prem, bhajan, poojan aur karmoan ka yajan sab unhian ko arpit karana hoga; apani sari satta unhian ko samarpit karani hogi aur apani sari chetana ko oopar uthakar is bhagavat chaitany mean nivas karana hoga jisamean manav-jiv bhagavanh ki prakriti aur karmoan se pare jo divy paratparata hai usamean bhagi ho sake aur poorn adhyatmik mukti ki avastha mean rahate hue karm kar sake. pratham sopan hai karmayog, bhagavatpriti ke liye nishkam karmoan ka yajn; aur yahaan gita ka jor karm par hai. dvitiy sopan hai jnanayog, atm -upalabdhi, atma aur jagath ke satsvaroop ka jnan; yahaan usaka jnan par jor hai, par sath-sath nishkam karm bhi chalata rahata hai, yahaan karm marg jnan marg ke sath ek ho jata hai par usamean ghul-milakar apana astitv nahian khota. tritiy sopan hai bhaktiyog, paramatma ki bhagavanh ke roop mean upasana aur khoj; yahaan bhakti par jor hai, par jnan bhi gaun nahian hai, vah keval unnat ho jata hai, usamean ek jan a jati hai aur vah kritarth ho jata hai, aur phir bhi karmoan ka yajn jari rahata hai; dvividh marg yahaan jnan, karm aur bhakti trividh marg ho jata hai. aur, yajn ka phal, ek matr sadhak phal jo sadhak ke samane dhyey-roop se abhi tak rakha hua hai, prapt ho jata hai, arthath bhagavanh ke sath yog aur para bhagavati prakriti ke sath ekatv prapt ho jata hai.
|
chitr:Next.png
|