dasham adhyay
sambandh- satavean adhyay se lekar navean adhyay tak vijnan sahit jnan ka jo varnan kiya gaya usake bahut gambhir ho jane ke karan ab punah usi vishay ko doosare prakar se bhalibhaanti samajhane ke liye dasavean adhyay ka arambh kiya jata hai. yahaan pahale shlok mean bhagavanh poorvokt vishay ka hi punah varnan karane ki pratijna karate haian-
shribhagavanuvach
bhooy ev mahabaho shrrinu me paraman vach: .
yatteahan priyamanay vakshyami hitakamyaya.. 1 ..
shribhagavan bole- he mahabaho ! phir bhi mere param rahasy aur prabhavayukt vachan ko sun, jise maian tujh atishay prem rakhane vale ke liye hit ki ichchha se kahooanga.. 1 ..
prashn- ‘bhooyah’ aur ‘ev’ pad ka kya abhipray hai?
uttar- ‘bhooyah’ pad ka arth ‘punah’ ya ‘phir’ hota hai aur ‘ev’ pad yahaan ‘api’ ke arth mean aya hai. inaka prayog karake bhagavanh yah bhav dikhala rahe haian ki satavean se navean adhyay tak maianne jis vishay ka pratipadan kiya hai, usi vishay ko ab prakarantar se phir bhi kah raha hooan.
prashn- ‘param vachan’ ka kya bhav hai? aur use punah sunane ke liye kahane ka kya abhipray hai?
uttar - jo upadesh param purush paramatma ke param gopaniy gun, prabhav aur tattv ka rahasy kholanevala ho aur jisase un parameshvar ki prapti ho, use ‘param vachan’ kahate haian. atev is adhyay mean bhagavanh ne apane gun, prabhav aur tattv ka rahasy samajhane ke liye jo upadesh diya hai, vahi ‘param vachan’ hai aur use phir se sunane ke liye kahakar bhagavanh ne yah bhav dikhalaya hai ki meri bhakti ka tattv atyant hi gahan hai; atah use bar-bar sunana param avashyak‚ samajhakar b di savadhani ke sath shraddha aur premapoorvak sunana chahiye.
prashn- ‘priyamanay’ visheshan ka aur ‘hitakamyaya’ pad ko prayog karake bhagavanh ne kya bhav dikhalaya hai?
uttar- ‘priyamanay’ visheshan ka prayog karake bhagavanh ne yah dikhalaya hai ki he arjun! tumhara mujhamean atishay prem hai, mere vachanoan ko tum amritatuly samajhakar atyant shraddha aur prem ke sath sunate ho; isiliye maian kisi prakar ka sankoch n karake bina poochhe bhi tumhare samane apane param gopaniy gun, prabhav aur tattv ka rahasy bar-bar khol raha hooan. yah tumhare prem ka hi phal hai. tatha ‘hitakamyaya’ pad ke prayog se yah bhav dikhalaya hai ki tumhare prem ne mere svabhav mean tumhari hitakamana bhar rakhi hai; isaliye maian jo kuchh bhi kah raha hooan, svabhavik hi ve hi bate kar raha hooan, jo keval tumhare hit-hi-hit se bhari haian.
|