romaharshan vedavyas ke param priy shishy the. ye soot jati ke the. maharshi vedavyas bahut hi udar vicharoan ke the. romaharshan ke stuti path tatha shastroan-puranoan mean unaki ruchiyoan ko dekhakar vyas ji ne romaharshan ko apana shishy banaya tha. romaharshan ne puran vidya ka aisa parayan kiya ki unaki pratibha chamatkrit ho gayi. jati se antyaj hote hue bhi vyas ji ki kripa se puranoan-shastroan ka unhoanne gahan adhyayan kiya aur kee granthoan ki rachana ki.
vishay soochi
puran vakta
bhagavan vedavyas ne romaharshan ko samasht puranoan ko padhaya aur ashirvad diya ki ‘tum samasht puranoan ke vakhta banoge. isiliye romaharshan samasht puranoan ke vakhta mane jate haian. ye sada rrishiyoan ke ashramoan mean ghoomate rahate the aur sabako puranoan ki katha sunaya karate the. naimisharanhy mean athasi hazar rrishi nivas karate the. soot ji unake yahaan sada katha kaha karate the. yadyapi ye soot jati ke the, phir bhi puranoan ke vakhta hone ke karan samasht rrishi inaka adar karate the aur uchhchasan par bithakar inaki pooja karate the. inaki katha itani adbhut hoti thi ki asapas ke rrishigan jab sun lete the ki amuk jagah soot ji aye haian, tab sabhi dau d-dau dakar inake pas a jate aur vichitr kathaean sunane ke liye inhhean gherakar charoan or baith jate. pahale to ye sab rrishiyoan ki pooja karate, unaka kushal-prashhn poochhate aur kahate- "rrishiyoan! ap kaun-si katha mujhase sunana chahate haian?" inake prashhn ko sunakar shaunak ya koee vriddh rrishi kisi tarah ka prashhn dete aur kah dete- "romaharshan soot ji! yadi hamara yah prashhn pauranik ho aur puranoan mean gaya ho, to isaka uthtar dijiye."
aisi kaun-si bat hai, jo puranoan mean n ho. pahale to soot unake prashhn ka abhinanhdan karate aur phir kahate- "apaka yah prashhn pauranik hi hai. isake samhbanhdh mean maianne apane guru bhagavan vedavyas se jo kuchh suna hai, use apake samane kahata hooan, savadhan hokar suniye." itana kahakar soot ji katha ka aramhbh karate aur yathavat samasht prashhnoan ka uthtar dete hue kathaean sunate. is prakar ye sada bhagavallila kirtan mean lage rahate the. inase badhakar bhagavan ka kirtanakar kaun hoga.
mrityu
romaharshan ki mrithyu bhagavan baladev ke dvara huee. naimisharanhy mean tirthayatra karate hue baladev ji pahuanche. ye us samay vhyasasan par baithe the. unhhean dekhakar uthe nahian. is par balaram ji ko krodh a gaya aur unhhoanne inaka sir kat liya. maharshi shaunak ne balaram ji se kaha- "romaharshan ka vadh karake jahaan ap brahmahatya ke doshi hue, vahian apane ham rrishiyoan ka bhi bahut ahit kiya. romaharshan ke vadh se puran vidya ke lop hone ka bhay ho gaya hai. bina soche-vichare kie gaye kary ka dushparinam svayan apane ke alava bahutoan ka ahit karata hai."
maharshi shaunak ki vyathabhari bat sunakar baladev stabdh rah gaye, par ab kya kar sakate the. khed tatha du:kh se sir jhukakar kaha- "rrishivar! nishchay hi maian aparadhi hooan. mujhe nahian pata tha ki ap logoan ne svayan romaharshan ko yah samman diya tha. maian to yahi samajhata tha ki vah abhiman se is asan par baithakar uddand ho gaya hai. apane avivek se maianne jo karm kiya hai, isaka karmaphal maian bhogooanga, par puran gatha age chale, isake lie kya hoga?" shaunak ne kaha- "romaharshan ka putr ugrashrava bhi adhik vidvan hai. ham use bulakar puran-gatha shravan karane ka prabandh kareange. is vidya ka lop nahian hone deange. shruti ke madhyam se ham ise grahan kar isaki parampara badhate raheange."
baladev shaunak ke charanoan par girakar bole- "munivar! ap ugrashrava ko bulakar is vyas gaddi par baithaie. maian unake asanasin hone par unase apane aparadh ki kshama-yachana karooanga tatha brahma-hatya dosh ke nivaran ke lie tirthoan mean ghoom-ghoomakar prayashchitt karooanga." rrishi shaunak ne ugrashrava ko bulakar sari sthiti batayi tatha use vyas gaddi par baithaya. baladev ne apane aparadh ki kshama maangi aur prayashchitt ke lie chale gaye. ugrashrava ne puran sunana prarambh kiya. ajakal jo puran upalabdh haian, usamean kee mean romaharshan ka sanvad milata hai, kee mean ugrashrava ka milata hai. romaharshan ke jivanakal mean hi ugrashrava ko rrishi tatha brahman samaj mean b di pratishtha prapt thi. ugrashrava rrishiyoan ki shreni mean the.
isase vidit hota hai ki prachin kal mean jati se adhik gun ka samman hota tha. prachin kal mean pratishtha prapt karane tatha vidya arjit karane mean jati badhak nahian hoti thi.
tika tippani aur sandarbh
sanbandhit lekh
varnamala kramanusar lekh khoj