mahabharat katha -chakravarti rajagopalachary
94.ashvatthama
duryodhan par jo-kuchh biti usaka hal sunakar ashvatthama bahut kshubdh ho utha. apane pita dronachary ko marane ke liye jo kuchakr racha gaya tha vah use bhoola nahian tha. bhimasen ne yuddh ke mane hue niyamoan ke viruddh kamar ke niche gada-prahar karake duryodhan ko haraya yah janakar vah mare krodh ke ape se bahar ho gaya. turanht hi vah us sthan par ja pahuancha jahaan duryodhan mrityu ki pratiksha karata hua p da tha. duryodhan ke samane jakar ashvatthama ne dridhatapoorvak pratijna ki ki aj hi rat mean paandavoan ka bij nasht karake rahega. mrityu ki pratiksha karate hue duryodhan ne jab yah suna to usaka purana vair phir jagrit ho gaya aur use kuchh prasannata huee. usane asapas kh de logoan se kahakar ashvatthama ko kaurav-sena ko vidhivat senapati banaya aur bola- "achary-putr! yah mera shayad aantim kary hai. shayad ap hi mujhe shaanti dila sakean. maian b di asha se apaki rah dekhata rahooanga." sooraj doob chuka tha, rat ho gee thi. ghane jangal mean charoan or aandhera-hi-aandhera tha. ek b de baragad ke pe d ke niche ashvatthama, kripachary aur kritavarma rat bitane ke garaj se thahare. krip aur kritavarma bahut thake hue the, isaliye donoan vahi p de-p de so gaye. lekin ashvatthama ko niand nahian aee. krodh aur dvesh ke mare sarp ki bhaanti phuphakarata hua vah jagata raha. rat ka samay tha. charoan or kee tarah ke janavaroan ki boliyaan sunaee de rahi thi. unako sunata-sunata ashvatthama vicharoan me doob gaya. us baragad ki shakhaoan par kauvoan ke jhund-ke-jhund base hue the. rat ko ve sab soye hue the ki itane mean ek b de bhari ulloo ne akar un kauvoan par akraman kar diya. ek-ek karake un sote hue kauvoan par choanch marakar ulloo unako chirane-pha dane laga. rat ka vakt tha. ulloo ko to khoob dikhaee de raha tha, lekin kauoan ko aandhere mean kuchh soojhata nahian tha. ve chilla-chillakar marate gaye. akele ulloo ke age saik doan kauvoan ki ek n chali. yah dekh ashvatthama sochane laga- 'akele ulloo ne in sabhi kauvoan ko sote samay unaki kamazori ka labh uthakar jis tarah mar dala hai, thik vaise hi maian bhi in adham paandavo ko aur pitaji ki hatya karane vale dhrishtadyumn ko, unake sangi-sathiyoan samet ek sath hi kyoan n mar dalooan? abhi rat ka samay hai aur ve sab apane shiviroan mean p de so rahean hoange. is samay un sabaka vadh kar dalana bahut sugam hoga. yadyapi aisa karana nyayayukt nahian hai, par unhoanne bhi to adharm ka hi sahara lekar mere poojy-pita evan duryodhan ko mara hai. is adharm ka badala adharm se hi kyoan n looan? is ulloo ne to mujhe thik samay par upadesh hi diya samajho! phir samay ko dekhate hue, usake anusar yuddh ke naye-naye dhango ko kam mean lana anyay kaise ho sakata hai?' |
tika tippani aur sandarbh
sanbandhit lekh
adhyay | adhyay ka nam | prishth sankhya |
varnamala kramanusar lekh khoj