shodashadhikashatatam (116) adhyay: anushasanaparv (danadharm parv)
mahabharat: anushasan parv: shodashadhikashatatam adhyay: shlok 19-32 ka hindi anuvad
is bhoomandal par apane atma se badhakar koee priy vastu nahian hai. isaliye sab praniyoan par daya kare aur sabako apana atma hi samajhe. rajan! jo jivan bhar kisi bhi prani ka maans nahian khata, vah svarg mean shreshth evan vishal sthan pata hai, isamean sanshay nahian hai. jo jivit rahane ki ichchha vale praniyoan ke maans ko khate haian, ve doosare janm mean unhian praniyoan dvara bhakshan kiye jate haian. is vishay mean mujhe sanshay nahian hai. bharatanandan! (jisaka vadh kiya jata hai, vah prani kahalata hai) 'maan s bhakshayate yasmadh bhakshayishye tamapyahamh.' arthath ‘aj mujhe vah khata hai to kabhi maian bhi use khaooanga.’ yahi maans ka maansattv hai- ise hi maans shabd ka tatpary samajho. rajan! is janm mean jis jiv ki hiansa hoti hai, vah doosare janm mean sada hi apane ghatak ka vadh karata hai. phir bhakshan karane vale ko bhi mar dalata hai. jo doosaroan ki ninda karata hai, vah svayan bhi doosaroan ke krodh aur dvesh ka patr hota hai. jo jis-jis sharir se jo-jo karm karata hai, vah us-us sharir se bhi us-us karm ka phal bhogata hai. ahiansa param dharm hai, ahiansa param sanyam hai, ahiansa param dan hai aur ahiansa param tapasya hai. ahiansa param yajn hai, ahiansa param phal hai, ahiansa param mitr hai aur ahiansa param sukh hai. sampoorn yajnoan mean jo dan kiya jata hai, samast tirthoan mean jo gota lagaya jata hai tatha sampoorn danoan ka jo phal hai- yah sab milakar bhi ahiansa ke barabar nahian ho sakata. jo hiansa nahian karata, usaki tapasya akshay hoti hai. vah sada yajn karane ka phal pata hai. hiansa n karane vala manushy sampoorn praniyoan ke mata-pita ke saman hai. kurushreshth! yah ahiansa ka phal hai. yahi kya, ahiansa ka to isase bhi adhik phal hai. ahiansa se hone vale labhoan ka sau varshoan mean bhi varnan nahian kiya ja sakata.
is prakar shrimahabharat anushasanaparv ke antargat danadharm parv mean ahiansa ke phal ka varnan vishayak ek sau solahavaan adhyay poora hua.
|
tika tippani aur sandarbh
sanbandhit lekh
varnamala kramanusar lekh khoj