‘bhakt sang nachyau bahut gopal’
radha-madhav ke yugal svaroop ke madhuryabhavopasak bhakt shiromani madhukarashah niyamit roop se pratah kal yugal kishoraji ke mandir mean darshan karane jate the aur ratri mean apane guru hari ramaji vyas evan any bhaktoan ke sath paanv mean ghuangharoo baandh kar gayan karate hue nrity lin ho jate the. nrity karate-karate besudh ho jana to unake liye ek samany bat ho gayi thi.
ek din kinhian visham paristhitiyoan ke karan orachha mean hote hue bhi ve nity ki bhaanti ratri mean nishchit samay par yugal kishor sarakar ke mandir mean upasthit n ho sake. yatha samay sarakar ki shayan-arati ke pashchat mandir ke kapat band ho gaye. adhikaansh bhakt jan apane-apane gharoan ko vapas laut gaye. hari ramaji vyas kuchh any bhaktoan ke sath mandir ke bahar baith kar orachhesh ke ane ki pratiksha karane lage.
lagabhag addh ratri ke samay madhukarashah apane niyam ki poorti hetu mandir pahuanche. apane guruji ko pratiksharat pakar unhoanne vilamb se upasthit hone ka spashtikaran dete hue kshama-yachana ki aur nivedan kiya ki kyoan n mandir ke pichhava de chalakar tho de hi samay kirtan kar liya jay, jisase sarakar ke shayan mean badha bhi utpann n ho aur nity-niyam ki aanshik poorti bhi ho jay.
us nistabdh nisha mean aisa kirtan jama ki sabhi ke netroan se premashruoan ki aviral dhara pravahit hone lagi. ‘radhe-radhe’ ka uddhosh anand mean kee guna vriddhi kar raha tha. madhukarashah apani vilakshan priti dhara mean pravahit ho sudh-budh hi kho baithe the. premi apane premaspad ke prem mean tallin ho aur premaspad bhakt vatsal yugal kishor sarakar shayan karate rahean, bhala yah kaise sambhav tha?
sahasa mandir poorvabhimukhi ke sthan par ghoomakar pashchimabhimukhi ho gaya. mandir ke kapat svatah hi anavrit ho gaye aur yugal kishor sakshat prakat hokar bhaktoan ke sath nrity karane lage. is alaukik drishy ko dekh kar devataoan ne akash se pushp-vrishti ki, jo prithvi ka sparsh pate hi svarn ke ho gaye. madhukarashah apane-ap ko sarakar ke atyant nikat pa kar premashru bahate hue unake shri charanoan mean lot gaye. apane anany bhakt ke sath nrity karate hue use darshan dekar yugal kishor antardhan ho gaye.
is alaukik ghatana ka sakshi yugal kishor sarakar ka vah devalay maharaj chhatrasal dvara yugal kishor ke shri vigrah ko orachha se panna le jaye jane ke karan rikt ho gaya. apane atit ki vaibhavapoorn madhu smritiyoan ko sanjoye yah aitihasik devalay upeksha ka shikar hokar bhagnavastha mean ab bhi orachha mean vidyaman hai.
yugal kishor sarakar ki premopasana mean nirantar lin rahate hue ek din madhukarashah svayan prabhu mean lin ho gaye. bhagavat-rasik rachit ‘bhakt-namavali’, raja nagaridas rachit ‘pad-prasang mala’ evan nabhadas ji rachit ‘shribhaktamal’ - jaise granthoan mean madhukarashah ko apani prema-bhakti ke karan hi vishisht sthan prapt hua.
sanbandhit lekh
varnamala kramanusar lekh khoj