vishay soochi
brahm vaivart puran
shrikrishnajanmakhand: adhyay 23
durvasa bole– o gadahe ke saman akar vale nirlajj naradham! uth! bhaktashiromani bali ka putr hokar bhi too is tarah pashuvat acharan kar raha hai. devata, manushy, daity, gandharv tatha rakshas –ye sabhi sada apani jati mean lajja ka anubhav karate haian. pashuoan ke siva sabhi maithun-karm mean lajja karate haian. visheshatah gadahe ki jati jnan tatha lajja se hin hoti hai; atah danavashreshth! ab too gadahe ki yoni mean ja. tilottame! too bhi uth. puanshchali stri to nirlajj hoti hi hai. daity ke prati teri aisi asakti hai to ab too danav yoni mean hi janm grahan kar. aisa kahakar rosh se jalate hue durvasa muni vahaan chup ho gaye. phir ve donoan lajjit aur bhayabhit hokar uthe tatha muni ki stuti karane lage. sahasik bola– mune! ap brahma, vishnu aur sakshat maheshvar haian. agni aur soory haian. ap sansar ki srishti, palan tatha sanhar karane mean samarth haian. bhagavan! mere aparadh ko kshama karean. kripanidhe! kripa karean. jo sada moodhoan ke aparadh ko kshama kare, vahi sant-mahatma evan eeshvar hai. yoan kahakar vah daityaraj muni ke age uchchasvar se phoot-phootakar rone laga aur daantoan mean tinake dabakar unake charanakamaloan mean gir p da. tilottama boli– he nath! he karunasindho! he dinabandho! mujh par kripa kijiye. vidhata ki srishti mean sabase adhik moodh strijati hi hai. samany stri ki apeksha adhik matavali evan moodh kulata hoti hai, jo sada atyant kamatur rahati hai. prabho! kamuk prani mean lajja, bhay aur chetana nahian rah jati hai. narad! aisa kahakar tilottama roti huee durvasa ji ki sharan mean gayi. bhootal par vipatti mean p de bina bhala kinhean jnan hota hai? un donoan ki vyakulata dekhakar muni ko daya a gayi. us samay un munivar ne unhean abhay dekar kaha. durvasa bole– danav! too vishnubhakt bali ka putr hai. uttam kul mean tera janm hua hai. too paitrik parampara se vishnubhakt hai. maian tujhe nishchitaroop se janata hooan. pita ka svabhav putr mean avashy rahata hai. jaise kaliy ke sir par aankit hua shrikrishn ka charanachihn usake vansh mean utpann hue sabhi sarpoan ke mastak par rahata hai. vats! ek bar gadahe ki yoni mean janm lekar too nirvan (moksh)– ko prapt ho ja. satpurushoan dvara pahale jo chirakal tak shrikrishn ki aradhana ki gayi hoti hai, isake puny-prabhav ka kabhi lop nahian hota. ab too shighr hi vraj ke nikat vrindavan ke tal-van mean ja. vahaan shrihari ke chakr se pranoan ka parityag karake too nishchay hi moksh prapt kar lega. tilottame! too bharatavarsh mean banasur ki putri hogi; phir shrikrishn-pautr aniruddh ka aliangan prapt karake shuddh ho jayegi. mahamune! yoan kahakar durvasa muni chup ho gaye. tatpashchat ve donoan bhi un munishreshth ko pranam karake yathasthan chale gaye. is prakar daity sahasik ke gadarbh-yoni mean janm lene ka sara vrittant maianne kah sunaya. tilottama banasur ki putri usha hokar aniruddh ki patni huee. |
tika tippani aur sandarbh
sanbandhit lekh
adhyay | vishay | prishth sankhya |