malavati ne kaha– he kal! ap karmoan ke sakshi haian, karmasvaroop haian tatha narayan ke sanatan aansh haian. bhagavan! ap parameshvar ko namaskar hai. prabho! maian jivit hooan. phir mere priyatam ko ap kyoan har le jate haian? kripanidhe! ap sarvajn haian. atah sabake duahkh ko bhi janate haian.
kalapurush bole– pativrate! maian athava yamaraj kis ginati mean haian. mrityukanya aur vyadhiyoan ki kya bisat hai. ham sab log sada eeshvar ki ajna ka palan karane ke liye bhraman karate haian. jinhoanne prakriti ki srishti ki hai; brahma, vishnu aur shiv adi devataoan ko prakat kiya hai; munindr, manu aur manav adi samast jantu jinase utpann hue haian, yogijan jinake charanaravind ka chintan karate haian, buddhiman manushy jin paramatma ke pavitr namoan ka sada jap karate haian, jinake bhay se hava chalati hai aur soory tapata hai, jinaki ajna se brahma srishti aur vishnu palan karate haian, jinake adesh se shankar sampoorn jagat ka sanhar karate haian, karmoan ke sakshi dharm jinaki ajna ke paripalak haian, rashichakr aur samast grah jinaka shasan shirodhary karake akash mean chakkar lagate haian, dishaoan ke svami dikpal jinaki ajna ka palan karate haian.
sati malavati! jinaki ajna se vriksh samay par phool aur phal dharan karate aur dete haian, jinake adesh se prithvi jal ka tatha samast charachar praniyoan ka adhar bani huee hai, kshamashil vasudha jinake bhay se kabhi-kabhi sahasa kampit ho uthati hai, jinaki maya se maya bhi sada mohit rahati hai, sabako janm dene vali prakriti jinake bhay se bhit rahati hai, vastuoan ki satta ko batane vale ved bhi jinaka ant nahian janate, samast puran jinaki hi stuti ka path karate haian, jin tejomay sarvavyapi bhagavan ki solahavian kalasvaroop brahma, vishnu aur mahavirat purush unhian ke nam ka jap karate haian, ve hi sabake eeshvar, kal-ke-kal, mrityu-ki-mrityu tatha paratpar paramatma haian. unhian shrikrishn ka tum chintan karo. ve kripanidhan shrikrishn tumhean sampoorn abhisht vastu tatha pati bhi pradan kareange. ye sab devata jinaki ajna ke adhin haian, ve sarveshvar shrikrishn hi sampoorn sampattiyoan ke data haian.
shaunak! aisa kahakar kalapurush chup ho gaye. tatpashchat brahman ne punah varta arambh ki.