देवव्रत

Disamb2.jpg devavrat ek bahuvikalpi shabd hai any arthoan ke lie dekhean:- devavrat (bahuvikalpi)
ajanm brahmachari rahane ki pratijna karate devavrat

devavrat mahabharat ke pramukh nayakoan mean gine jane vale ganga ke putr bhishm ka hi nam tha. ganga ne jab bhishm ko hastinapur naresh shaantanu ko sauanpa, tab ve devavrat nam se hi jane jate the, kintu apani vivah n karane ki bhishan pratijna ke karan devavrat 'bhishm' nam se vikhyat hue.

pauranik katha

mahabharat tatha pauranik kathaoan ke anusar- maharaj shaantanu ne apane putr devavrat ko apana yuvaraj ghoshit kar diya tha. phir shaantanu ne kaivartaraj ki putri satyavati se vivah ka prastav rakha, kintu kaivartaraj ne yah shart rakh di ki- "unaki putri ke garbh se utpann putr hi rajy ka uttaradhikari banega." maharaj shaantanu ne kaivartaraj ki yah shart nahian mani, kiantu ve satyavati ke prati apani asakti se mukt n ho sake, is karan udas rahane lage.[1]

devavrat dvara pratijna

devavrat ko jab yah pata chala, tab ve kaivartaraj ke pas apane pita ke vivah ka prastav lekar pahuanche. yuvaraj devavrat ne kaivartaraj ke samaksh pratijnapoorvak kaha- "maian pratijna karata hooan ki tumhari kanya se jo putr paida hoga, vahi rajy ka adhikari hoga." kaivartaraj ko is vachan se santosh nahian hua. unhoanne devavrat se kaha- "mujhe ap par to vishvas hai, kiantu yah shanka hai ki age apaki santan satyavati ke putr ko satta se vanchit n kar de?" tab devavrat ne kaha- "mujhe putr n ho, isake lie maian ajanm brahmachari rahane ki pratijna karata hooan." devavrat ki aisi bhishan pratijna sunakar sabhi romaanchit ho uthe. devataoan ne un par pushpoan ki varsha karate hue kaha- "yah bhishm haian, yah bhishm haian." dridh pratijna ke karan hi devavrat ab bhishm ke nam se jane ge.


Seealso.jpg inhean bhi dekhean: bhishm, mahabharat, shaantanu, ganga, hastinapur, paandav evan kaurav