जीव गोस्वामी

yah lekh vishesh roop se krishnakosh ke lie bharatakosh se sabhar

jiv gosvami

jiv gosvami (janm: 1513 ee. - mrityu: 1598 ee.) vrindavan mean chaitany mahaprabhu dvara bheje ge shadh gosvamiyoan mean se ek the. unaki ganana gau diy sampraday ke sabase mahan darshanikoan evan santoan mean hoti hai. unhoanne bhakti yog, vaishnav vedant adi par anekoan granthoan ki rachana ki. ve do mahan santoan roop gosvami evan sanatan gosvami ke bhatije the. shri sanatan gosvami, shri roop gosvami tatha shri vallabh, ye tinoan bhaee navab husain shah ke darabar mean uchch padasin the. in tinoan mean se ek ke hi santan thi, shri jiv gosvami. badashah ki sevaoan ke badale in logoan ko achchha bhugatan hota tha, jisake karan inaka jivan atyant sukhamay tha. aur inake ekamatr putr ke lie kisi vastu ki kami n thi. shri jiv ke chehare par suvarn abha thi, inaki aankhean kamal ke saman thian, v inake aang-pratyang mean chamak nikalati thi. inhoanne "kanaee natyashala" banavaee thi, jisamean krishnalila sabandhi bahut si moortiyoan ka sangrah tha.

parichay

poorv bangal ke barishal zile ka ek aansh kabhi chandradvip nam se prasiddh tha. chandr dvip ke ek aansh bakala mean roop-sanatan ke pita kumaradev ki attalika thi. roop-sanatan aur unake chhote-bhaee vallabh jab husainashah ke daravar mean sarvochch padoan par niyukt the, tab is attalika ka gaurav kisi rajaprasad se kam n thaan dhan-dhany, rajaishvary, bandhu-bandhavoan, das-dasiyoan se paripoorn aur taroo-lataoan, bag-bagichoan se pariveshtit is attalika ki shobha dekhate hi banati thi.

par jab se tinoan bhaee sansar chho dakar chale gaye mano isane bhi vairagy le liyaan isaki chamak-damak aur chahal-pahal atit ke garbh mean vilin ho gayi. pur-parijanoan aur das-dasiyoan ka kalaguanjan bhi ab isamean sunaee nahian p data. sunaee p data hai nitant niravata ke vatavaran mean ek varshiy-si vidhava ka mand svar, jo ratri ke andhakar mean dipashikha ke nikat baithi puran ka path karati hai aur usake shishu ka kalakanth, jo usase satakar baitha b de dhyan se puran ki kahaniyaan sunata hai aur bich-bich mean uchak-uchak kar vispharit netroan se usaki or dekhate hue rahasyamay prashn karata hai.

vidhava maan ke nayanamani yah balak hai vallabh ka ekamatr putr jiv isaki buddhi ki tikshanata aur paramarth vishayoan mean asadharan ruchi isake prashnoan se saf jhalakati hai. isane apane parivar se uttaradhikar mean paya hi aur kya hai? n to isane paya hai apane pita aur pitrivyoan ka rajavaibhav, n unake kisi sianhasan ka uttaradhikar. payi hai keval unaki vivek buddhi aur unaki bhakti ki adamy spriha. isake bal-boote par hi ise uttarakal mean karatalagat hua bhakti ka virat samrajy. isake bal par hi yah udit hua vrindavan dham mean bhakti-andolan ke kendr mean bhakti-siddhant aur sadhana ke alok stambh ke roop mean aur parichit hua gau diy-vaishnav samaj ke mahan shaktidhar adhi nayak shrijiv gosvami ke roop mean.

janm

jiv ke janm kal ka anuman bhaktiratnakar ki nimn panktiyoan ke adhar par lagaya jata hai-

shri jivadi sangopane prabhure dekhil.

ati prachiner mukhe e sab shunil॥

shrinarahari chakravarti ke is ullekh ka ashay jan p data hai ki jiv bahut chhoti avastha ke shishu the aur adhikatar maan ke sath ya unaki god mean rahate the jab unhoanne mahaprabhu ke darshan kiye. mahaprabhu jab 1513 ee. ya 1514 ee. mean ramakeli gaye to unake sath unaki maan aur any mahilaoan ne chhipakar kahian se unake darshan kiye. narahari chakravarti ne yah bhi likha hai ki unhoanne kisi bahut prachin ya vriddh vyakti ke mukh se aisa suna, jisane svayan us samay mahaprabhu ke darshan kiye the. shrisatishachandr mishraka kahana hai ki us samay jiv ki umr yadi do varsh mani jay to manana hoga ki unaka janm sanh 1511 ee. mean ramakeli mean hua.

balyakal

tin varsh bad sanh 1514 mean roop gosvami ne sansar tyaga. vallabh aur parivar ke any logoan ko sath le ve pahale phateyabad vale apane ghar gaye. kuchh dinoan ke liye vahaan rah gaye. vallabh parivar ke any logoan ko lekar vakala chale gaye. jiv ke sath unhean sabakoan vahaan chho d ve phateyabad mean roop gosvami se phir ja mile. jab nilachal se mahaprabhu ke vrindavan gaman ka samvad mila, tab donoan bhaee vrindavan ki or chal diye. prayag mean unaki mahaprabhu bheant huee, jab ve vrindavan se lautakar nilachal ja rahe the. ek mas vrindavan mean rah kar donoan bhaee gau d laute. gau d mean gangatir par ballabh ko abhisht dham ki prapti huee. us samay jiv ki umr 4 ya 5 varsh ki thi.

pita aur pitrivyoan ke saman jiv bhi bahut sundar the-

jaichhe sanatan, roop, vallabh sundar.

taichhe shrijiver ki saundary manohar॥

unake dirgh netr, uchch nasika, uchch lalat, prashast vaksh aur kanchan ke saman mukh ki dipti unake mahapurush hone ki soochana dete the. bhaktiratnakar mean jiv ke valy-charitr ka sundar varnan hai. ve aisa koee khel hi n khelate, jisaka sambandh shrikrishn se n ho. krishn-balaram ki do moortiyaan ve sada apane pas rakhate. pushp-chandanadi se unaki pooja karate, vastr-bhooshanadi se unhean sajate, phir animish netroan se unaki or dekhate rahate, kanakaputali ki tarah bhoomi par lot kar sikt netroan se unhean pranam karate aur bhaktipoorvak vividh prakar ke mishthan ka unhean bhog laga balakoan ke sath prasad grahan karate. akele bhi nirjan mean unhean lekar tarah-tarah ke khel khelate. sote samay unhean apane vaksh se lagakar rakhate. us samay bhi dhar ke log donoan moortiyoan ko unake vaksh se hatana chahate to n hata sakate-

krishn-balaram bina kichhui n bhay.

ekakio doanhe liya nirjane khelay॥

shayan samaye dohe rakhaye bakshete.

mat kautukeo na pare lite॥

kabhi kabhi krishn-balaram unhean svapn mean darshan dete.

vidyarthi jivan aur vairagy

jiv pathashala jane lage. alpakal mean hi unhoanne vyakaran, alankar, kavyadi par poora adhikar prapt kar liya-

alpakale shriver buddhi chamatkar.

vyakaran adi shastre ati adhikar॥

megha aur buddhi ka aisa chamatkar dekh adhyapak aur sahapathiganoan ke ashchary ki sima n rahi. sabhi kahane lage-"jiv koee sadharan balak nahian hai. lagata hai isaka janm kisi dev-ashan se hai-

sabe kahe-dev aanshe janam ihar. nahile ki alpakale et adhikar॥

jiv padhate likhate to b de manoyog se, par krishn balaram ki yad kar kabhi kabhi ro p date. unaka jaisa bhav krishn balaram ke prati tha, vaisa hi aur nitaee ke prati bhi. kabhi-2 ve ekant mean bhav vihnal avastha mean unase n jane kya kya kahate. parivar ke log un par drishti rakhate aur alakshit roop se ekant mean unaki bhav mudra dekh paraspar kahate-"jiv ki jo dasha hai use dekh lagata hai ki vah tho de hi dinoan mean grih tyag dega-)

keh kahe-"ahe bhaee! bicharinu mane. jiv chha dibe ghar ati alp dine॥

ek bar ve rokar shrikrishn chaitany ko pukarate hue dhairy kho baithe. antarik vedana itani asahy ho gayi ki prithvi par lot pot hone lage. unaka mukh aur vaksh netroan ke jal se bhig gaya aur ant mean moorchchha a gayi. bhaktaratnakar mean varnan hai ki parivar ke kisi vyakti ne alakshit roop se unaki yah dasha dekhi-

ek din dekhil alakshit. shrikrishn chaitany bali hila moorchchhit॥

dharani lotay, dhairy dharan n jay. mukh, vaksh bhase dui netrer dharay॥

us din rat ko unhean nidra n ayi. tho di der ko aankh lagi to svapn mean krishn-balaram ke darshan hue. doosare hi kshan krishn-balaram mean gaur-nitaee ke darshan hue. unake gaur kantimay svaroop ki apoorv chhatha ko animesh dekhate-2 ve unake charanoan mean lot gaye aur netroan ke jal se unhean abhishikt kar diya. tab unhoanne apane charanakamal unake mastak par rakhe aur pyar se bar-bar unhean aliangan kar amritamay prabodh-bachan kahe-

karuna samudr gaur nityanand rayan padapadm dilen jivare mathay॥

param vatsalye pun: kare aliangan. kahil amritamay prabodh vachan॥

gaur sundar ne premavisht ho nityanand prabhu ke charanoan mean unhean dal diya. nityanand ne ashirvad dete hue kaha-"mere prabhu gaurasundar mean tumhari rati hoh. ve tumhare jivan sarvasv hoan."

shri gaur sundar mahapremavisht haiya. prabhu nityanand pade dil samarpiya॥

nityanand shrijive kahaye bar-bar. ei mor prabhu hok sarvasv tomar॥

tab se gaur-nitai ki spapnadrisht moortiyaan chhaya ki tarah unake age-pichhe bani rahati. sansar ke prati udasinata ka bhav un par sada chhaya rahata. parivar ke prachin aishvary ka lop ho jane par bhi, unake pas apane aur parivar ke bharan-poshan ke lie paryapt dhan tha. par unhoanne apane dhan-sampatti ki or kabhi mu dakar nahian dekha ve apani maan aur any logoan ke mukh se sunate apane donoan pitrivyoan ke tyag aur vairagy ki kahani aur unaka hriday ek aparthiv pulak se bar-bar sihar uthataan unaka divy akarshan unhean apani or khichata jana p data. ve unake darshan ke liye uddhin ho uthate. par darshan to door unake samvad ke lie bhi unhean nirash hona p data, phir bhi unaki chhap unake oopar spasht dikhati. aisa jan p data ki jaise unhoanne us alpavastha mean hi unaka anusaran karane ka sankalp kar diya ho.

prem-vilas' mean varnan hai ki maan se apane pitrivyoan ke dainy aur dor-kaupin dharan kar vrindavan mean ghar-ghar madhukari bhiksha maang kar jivan nirvah karane ki bat sun ve unaka pathanusaran karane ke lie itana bechain ho uthe ki bakla mean rahate hue kaishoravastha mean hi unake saman vairagyapoorn jivan vyatit karane lage. maan ko yah dekhakar chinta huee ki ve bhi kahian sansar tyag kar vrindavan mean unase n ja mile. par svayan dharmaparayana aur bhaktibhav sampann hone ke karan unhoanne isamean koee vadha n di.

jiv ke tyag-vairagy, akhand brahmachary aur pavitr bhaktimay jivan ne unaki sookshm buddhi par dhar rakh us sookshmatar kar diya. isalie 16/17 varsh ki avastha mean hi sthaniy chatushpathi mean kavy, vyakaran, smriti prabhriti ki shiksha samapt kar ve vedant adi darshanashastr padhane ke lie vyagr ho uthe. sath hi vrindavan jane ki unaki ichchha bhi prabal ho gayi.

grih-tyag

navadvip se bahut se log pahale vrindavan ja chuke the. unake lie bhi koee suyog milane par navadvip se vrindavan jana asan tha. navadvip us samay vidya ka pradhan kendr bhi tha. isalie unhoanne vedant adi ke adhyayan ke chhal se navadvip jane ka vichar kiya ve pahale kuchh atmiy svajanoan ke sath nauka dvara phateyabad ke antargat prem bhag vale apane ghar gaye. kuchh din vahaan ruk kar keval ek naukar ko sath le chal p de navadvip ki padayatra par. svajanoan ko unhoanne pahale hi nauka se vakla vapas bhej diya tha. navadvip jate samay unaka naishtik brahmachari ka vesh tha. unake hath mean jap ki mala thi aur kandhe par latak raha tha bhiksha ka jhola. ve grih chho d kar ja rahe the, uttar jivan mean phir kabhi sansar mean laut kar n ane ka dridh sankalp liye.

navadvip mean nityanand prabhu ke charanoan mean

navadvip pahuanchate hi sahasa unaka bhagyasoory uday hua. kh dadah se nityanand prabhu kee din poorv sadal-bal vahaan aye the aur shrivas pandit ke ghar thahare hue the. mano shrijiv par kripa karane ke uddeshy se hi unhoanne navadvip ki yatra ki thi aur unake agaman ki pratiksha kar rahe the. jiv ko navadvip mean pair rakhate hi yah shubh sanvad mila. ve bhavavibhor avastha mean ulate sidhe pair rakhate jhat ja pahuanche shrivas pandit ke ghar aur lot gaye nityanand prabhu ke charanoan mean.

roop-sanatan ke bhratushputr ko apane charanoan mean p da dekh nityanand ka anand samudr um d p da. uddand nrity kirtan karate hue unhoanne apana charan unake mastak par rakha aur ashirvad diya. unhean apane sath le jakar gaur-lila ke chihnit sthanoan ka darshan karaya. mahaprabhu ki smriti se paripoorn unaki ek-ek lilasthali ke darshan kar jiv bhav-samudr mean kho gaye. doosare din nityanand prabhu se hath jo dakar bole-"prabhu! apaki kripa se mahaprabhu ki adi lila ke sabhi sthanoan ke darshan kar liye. ab ajna de, nilachal jakar unaki anty-lila-sthaliyoan ke darshan kar ane ki. vahaan se lautakar meri ichchha hai apake das roop mean apaki charan chhaya mean rahakar sadhan-bhajan karane ki. ap mujhe aangi kar karane ki kripa karean."

par nityanand prabhu ko tarun jiv ke mukharavind ki divy kanti, tikshn nasika, prashast lalat ki tejasvita aur netroan ki bhav may uddipana dekh bhool n huee unhean bhavishy ke vaishnav samaj ke nayak ke roop mean pahachanane mean. unhoanne unhean prem se aliangan karate hue kaha-

"shighr braje rakah prayan tomar vanshe prabhu diyachhen seee sthan."

arthath tumhare vansh ko prabhu ne vrindavan ki seva ka adhikar saupa hai. isalie tum vrindavan jao. vahi tumhara prakrit karyakshetr hai. tumhare pitrivy roop-sanatan mahaprabhu ke adesh se vahaan rahakar bhakti dharm ka prachar kar rahe hai. tum jakar unaki sahayata karo. unake pashchath tumhean hi mahaprabhu dvara pracharit vaishnav dharm ke prachar ka gurutar bhar samhalana hai, aur taiyar karani hai usaki darshanik bhitti. par is kary ke lie ved vedant ka adhyayan karana avashyak hai. isalie vrindavan jane se poorv kuchh din kashi mean rahakar madhusoodan vachaspati se vedant ki shiksha grahan karo.

kashi mean madhusoodana vachaspati se vedant adhyayan

jiv kashi chale gaye. madhusoodan vachaspati se vedant padhane lage. madhusoodan vachaspati ka us samay kashi mean prabal pratap tha. ve sarvabhaum bhattachary ke priyatam shishy the. nyay aur vedant ke bharat vikhyat pandit sarvabhaum bhattachary ka mahaprabhu se sakshat hone ke pashchath mat-parivartan ho gaya tha. ve bhakti-siddhant ke anusar vedant ka prachar karane lage the. unhian se vedant ki shiksha grahan kar madhusoodan vachaspati kashi dham mean shreshthatam prachary ke roop mean pratishthit hue the. jiv ki adbhut medha se vachaspati prabhavit hue. prem se unhean vedant ka path padhayaan unnis varsh ki ayu mean unake nyay-vedant. shastr mean advitiy hone ki khyati kashi mean charoan or phail gayi-

"kashite shri jiver prashansa sarv thaee.

nyay vedantadi shastre aichhe keh nai."

vrindavan agaman aur diksha

kashi mean vedant ka path samapt karane ke pashchath ve vrindavan chale gaye. anuman kiya jata hai ki vedant padhane ke lie ve kashi mean kam se kam do varsh rahe hoange. vrindavan mean us samay svarnim yug tha. bhakti ki ganga avadhagati se um d-ghum dakar vah rahi thi. unake pitrivy nav-sthapit krishn-bhakti ke samrajy par shasan kar rahe the. krishn ke shrivigrahoan ki sthapana,krishn-bhakti-shastroan ke nirman aur krishn-lila sambandhi sthaliyoan ke avishkar ka kary tivr gati se chal raha tha. raghunathabhatt gosvami, prabodhanand sarasvati, gopalabhatt gosvami, raghunathadas gosvami, kashishvar aur krishnadas kaviraj adi pradhan-pradhan chaitany mahaprabhu ke parikar vrindavan pahuanch chuke the aur vibhinn prakar se roop sanatan ke prachar-kary mean unaka hath bata rahe the.

jiv ko bhi is kary mean sahayog karane ke lie nityanand prabhu ne vrindavan bheja tha. unhean prapt kar roop aur sanatan ati prasann hue. unhean le jakar sab mahatmaoan se unaka parichay karaya, sabaka ashirvad dilavaya. unaki avastha is samay keval 19 varsh ki thi. ve sabase chhote aur rooph-sanatan ke bhratushputr hone ke karan to sabake snehabhajan the hi, unhean apane roop, gun, charitr, asadharan paandity, krishn-bhajan aur vaishnav seva mean adamy-utsah ke karan sabako vishesh roop se pravit karane mean der n lagi. shastr-charcha ho ya utsav anushthan sab mean ve sabase age rahane lage.

sanatan gosvami ke adesh se roop gosvami se diksha le ve unake pas rah kar unaki seva karane lage. ve unake lie vigrah-seva ki samagri jutate, seva-pooja mean unaki sahayata karate, unake bhojan kar lene par unaka prasad grahan karate, unake shayan karane par unaka pad-samvahan karate, unake granth-rachana ke samay pothi patr jutakar dete, avashyakata hone par vibhinn granthoan se avashyak shlokoan ko khojakar dete au jab jis prakar se avashyak hota granth rachana mean unaki sahayata karate.

jiv gosvami aur vallabh bhatt

'bhaktiratnakar' aur 'premavilas' mean ullekh hai ki jab roop gosvami bhaktirasamritasindhu ki rachana mean lage the, digvijayi shrivallabh bhatt aye unase milane. us samay jiv gosvami unake nikat baithe pankha kar rahe the. roop gosvami ne unhean adar poorvak asan diya kuchh vartalap ke pashchath vallabh bhatt bhaktirasamritasindhu ke panne ulat kar dekhane lage. unhean nimnalikhit shlok mean 'pishachi' shabd ka prayog khataka-

'bhukti-mukti-spriha yavath pishachi hridi vartate.

tavaddhakti sukhasyatr kathamamyudayo bhavet?

-jab tak bhukti-mukti spriharoopi pishachi hriday mean vartaman rahati hai, tab tak bhakti sukh ka uday hona sambhav nahian."

unhoanne pishachi' shabd shlok se nikal kar is prakar usaka sanshodhan karane ki bat kahi-

"vyapnoti hridayan yavadbhukti-mukti sprihagrah"

roop gosvami ne unake prati shraddha aur apane dainy ke karan sanshodhan saharsh svikar kar liya. jiv ko unaka sanshodhan nahian jancha. unhean ek navagat vyakti ka gurudev jaise mahapandit aur shastrajn ki rachana ka sanshodhan karane ka sahas bhi panditoan ke shishtachar ke pratikool laga. krodhagni unake bhitar sulagane lagi. par gurudev us sanshodhan ko svikar kar chuke the, isalie ve unake samane kuchh n kah sake. unake paroksh mean unase tark dvara nipat lene ka nishchay kar chupachap baithe rahe. ve kya janate the ki jinhoanne sanshodhan sujhaya hai ve koee sadharan vyakti nahian, ek digvijayi pandit haian.

tho di der bad jab vallabh bhatt yamuna nadi snan ko gaye, to ve bhi unake vastradi lekar unake pichhe pichhe gaye. kuchh door jakar kruddh aur kathor svar mean bole-"shrimanh apane bhakti rasamritasindhu mean jo sanshodhan sujhaya vah thik nahian. gurudev ne keval dainyavash use svikar kar liya hai."

pandit hakka-vakka sa tarun ki or dekhate rah gaye. kuchh apane apako samhalate hue bole-"kyoan bhaee mukti ko pishachi kahana tumhean achchha lagata hai? mukti bahut se sadhakoan ki kamy-vastu aur siddho ki chirasangini hai, shok-nashini aur anandadayini hai. usaki pishachi se tulana karana anuchit nahian hai?"

jiv ne vinamratapoorvak kaha-" achary! mukti ko pishachi kahana anuchit ho sakata hai. par us shlok mean mukti ko pishachi kaha hi kab gaya hai? pishachi kaha gaya hai mukti ki spriha ko, jo yatharth hai. spriha ya vasana chahe jaisi ho, usaka bhakt ke hriday mean koee sthan nahian. yadi vah bhakt ke hriday mean pravesh kar jati hai, to usake bhaktiras ka shoshan kar leti hai aur use usi prakar ashant banaye rahati hai, jis prakar pishachi kisi manushy ke bhitar pravesh kar use ashant banaye rakhati hai. shant to keval krishn bhakt hai, jo krishn seva ke atirikt aur kuchh nahian chahate. bhukti-mukti kami jitane bhi haian, sab pishachi-grast vyakti ki tarah hi ashant haian. shlok mean pishachi shabd ka prayog kiye bina bhi kam to chal sakata tha, par usake bagair shlok ka bhav prabhavashali dhang se spasht n hota. isalie 'pishachi' shabd ka usamean rahana hi thik hai. ap.....

jiv avesh mean yah sab kahe ja rahe the. par acharyapad ka dhyan jama hua tha, unake pahale vaky par hi. ve usake paripeksh mean shlok ko phir se parakhate hue man hi man kah rahe the-"navayuvak thik hi to kah raha hai. shlok mean pishachi mukti ki spriha ko kaha gaya hai, n ki mukti ko. mera man mukti ke prasang matr mean 'pishachi' shabd ke prayog se itana udvign ho gaya tha ki 'spriha' ki or dhyan hi nahian gaya. jiv ki bat katate hue ve bole-"tum thik kahate ho. shlok mean 'pishachi' mukti ki vasana ko hi kaha gaya hai. bhaktoan ke lie mukti ki vasana pishachi ke hi saman hai."

pratibhadhar tarun pandit ki sookshm drishti ki man hi man sarahana kahate hue unhoanne jamuna snan kiya. snan ke pashchath phir gaye roop gosvami kuti par. ullasit ho unase poochha-"vah jo alpavayask pandit apake pas baithe the, ve kaun the? unaka parichay prapt karane ke uddeshy se hi apake pas lautakar aya hooan-

"alap-vayas je chhilen toma-pashe. taanr parichay hetu ainoo ullase॥"

roop gosvami ne kaha-"vah mera shishy aur bhatija hai. abhi kuchh hi din hue desh se aya hai."

"b da pratibhashali aur honahar hai vaha" unhoanne shlok ke sanshodhan ke karan usake rosh ka sab vritant kah sunaya.

ant mean kaha-"usaka dosh bilkul nahian tha bhool meri hi thi. mera dhyan 'pishachi' shabd mean itana ulajh gaya tha ki 'spriha' ka dhyan hi n aya. ab mera anurodh hai ki ap shlok ko usi prakar rahane dean. usamean koee parivartan n karean.

roop gosvami ki ta dana

ballabh bhatt chale gaye. roop gosvami ne man mean ek abhootapoorv alo dan chho d gaye. jaise hi jiv jamuna-snan se lautakar aye, unhoanne unaki k di bhartsana karate hue kaha-

"more kripa kari bhatt aila mor pashe.

mor hit lagi granth shudhiv kahila॥

e ati alap vaky sahite narila.

tahe poorv deshe shighr karah gaman.

man sthir hile asiba vrindavan॥

-bhattaji ne b di kripa ki jo mere pas aye aur mere hit ke lie mere granth mean sanshodhan karane ko kaha. tum se unaki itani bat bhi sahan n huee. isalie tum yahaan rahane yogy nahian. shighr chale jao yahaan se. yahaan ana jab tumhara man sthir ho jay."

'prem vilas' mean is visphotak sthiti ka is prakar varnan hai-

"roop gosvami ne jiv ko bulakar kaha-"are moodh! too vairagyavesh ke yogy nahian. toone aparipakv avastha mean hi vairagy dharan kar liya. tujhe krodh aya. krodh ke oopar krodh n aya? ja, yahaan se vapas chala ja. maian tera mukh bhi nahian dekhana chahata."

jiv navamastak ho chupachap sunate rahe. apane aparadh ke gurutv ka bodh unhean hone laga-"sachamuch krodh ka tyag kiye bina sarvatyagi vairagi hona aur shri krishn ke charanoan mean poorn atmasamarpan hona sambhav nahian."

shok aur anutap ki agni unake antar mean dhooan-dhooankar jalane lagi. guru ajna shirodhary kar krandan karate karate unhean pranam kar ve vahaan se chal diye.

nirjan mean krichchhh sadhana

jiv vrindavan se bahut door nirjan van prant mean ek parnakuti nirman kar usamean rahane lage. arambh kiya kathor vairagyapoorn krichchhh sadhana ka jap-dhyanamay jivan. sankalp kiya ki jab tak gurudev ke manobhav ke anukool apane jivan mean amool parivartan n kar leange, tab tak us nirjan kuti ko chho d lokalay mean pravesh n kareange. ve bhiksha ke lie bhi n jate door gram se akar yadi koee kuchh bhiksha de jata to use le lete. nahian to kee kee din tak upavasi rahate ya jamuna jal pikar hi rah jate. kabhi bhiksha mean prapt gehooan ka choorn kar use pani mean milakar pi jate-

bahu yatne kinchith godhoomachoorn laiya. karaye bhakshan taha jale mishaiya॥

is prakar jivan nirvah karate bahut din ho gaye. sharir atyant durbal ho gaya. ek din akasmath sanatan gosvami unhean khojate hue udhar a nikale. unaki dasha dekh unaka hriday dravit ho gaya. vrindavan jakar roop gosvami se unhean bula lene ka anurodh karana chaha par sahasa is sambandh mean kuchh n kahakar unase poochha-

"tumhare bhaktirasamritasindhu ka kam kahaan tak ho paya hai?"

"kam to bahut kuchh ho gaya hai. par ab tak kabhi ka samapt ho leta yadi jiv hota. use maianne kisi aparadh ke karan apane pas se hata diya haian", roop gosvami ne uttar diya.

sanatan gosvami ne avasar pakar turant kaha-"maian sab janata hooan. use maian dekh kar aya hooan. anahar, anidra, upavas aur kathor tapasya ke karan usaka sharir itana jarjar ho gaya hai ki usaki or dekha bhi nahian jata. bas pran kisi prakar jane se ruk rahe haian. tumane ajanm mahaprabhu ke jive daya name ruchi' ke siddhant ka palan kiya hai. kya apane hi jiv ko apani daya se vanchit rakhoge?"

-roop gosvami ne guruvath jyeshth bhrata ka iangit prapt kar jiv ko kshama karane ka nishchay kiya. usi samay kisi ke hath patr bhej kar unhean apane pas bula liya. jiv ka prayashchitt to ho hi chuka tha. unake svabhav mean manovachchhit parivartan bhi ho gaya tha. gurudev ki karuna prapt kar unhoanne naya jivan labh kiya. vastav mean dekha jay to yah sari ghatana prabhu ki prerana se hi huee thi. isamean dosh kisi ka nahian tha. isake dvara prabhu ko bhakt-sadhakoan ko har prakar ki kamana vasana yahaan tak ki mukti tak ki vasana se savadhan karana tha. sath hi vallabhabhatt ke sanshodhan, jiv gosvami ke krodh aur roop gosvami ke shasan dvara bhaktoan ke kalyan ke lie adarsh sthapit karana tha vallabh bhatt se bhool karava kar aur use svikar karava kar unake audary ka, jiv se sanshodhan ka prativad karavakar guru-maryada ki raksha karane ka, roop gosvami se sanshodhan svikar karava aur jiv ko dand dilavakar unake dainy ka.

is sambandh mean yah vishesh roop se ullekhaniy hai ki jiv gosvami ne bhaktirasamritasindhu ki apani tika mean ukt shloki vyakhya karate samay vallabhabhatt ke sanshodhit pathaki bhi sarahana ki hai. unhoanne likha hai-

"vyapnoti hridayan yavadbhukti-mukti sprihagrah" iti pathantarantu sushlishtamh.

radhadamodar ki seva

sanh 1541 mean bhakti rasamritasindhu ki rachana samapt huee. shrisatishachandr mitr ne likha hai ki isake ek varsh bad sanh 1542 mean roop gosvami ne jiv ko prithakh roop se seva karane ke lie radhadamodar ki jugalamoorti pradan ki. bhaktiratnakar mean udghrit sadhan dipika ke ek shlok mean isaka ullekh is prakar hai-

radhadamodaro dev: shriroopen pratishthit:.

jivagosvamine datt: shriroopen kripandhina॥

arthath kripa ke sagar shriroop gosvami ne shri radha damodar dev ko prakat kar sevarth jiv gosvami ko pradan kiya. bhaktiratnakar mean yah bhi ullekh hai ki radhadamomar ne svapn mean roop gosvami ko unhean jiv gosvami ko samarpan karane ki ajna di thi. roop gosvami ne svapn mean dekhi moorti ke saman hi moorti taiyar karava kar jiv ko di thi. isase spasht hai ki radhadamodar svayan hi jiv gosvami ki prem-seva ke lobh se unake pas aye the. tabhi ve unase tarah-tarah ke khady maangate the aur jiv unhean khate dekhate the-

madhye madhye bhakshy dravy mage shrijivere. shrijiv dekhaye prabhu bhu0je je prakare॥

ek bar unhoanne unhean bula kar hans-hans kar vanshi bajate hue apane bhuvan mohan roop ke darshan diye use dekh jiv moorchchhit ho gaye. chetana ane par unake hriday mean anand sama nahian raha tha aur donoan netroan se bahati ashrudhar unake vaksh ko sikt kar rahi thi-

ek din bajay vaanshi haansiya haansiya.

shrijive kahaye-"more dekhah asiya॥"

kaishor bayas, vesh bhuvan mohan. dekhitei shrijiv hil achetan॥

chetan paiya hiya anande uthale. bhasaye dighal tooti nayaner jale॥

sanatan gosvami ko shrikrishn ne jo govardhanashila pradan ki thi, vah bhi unake aprakaty ke pashchath jiv gosvami radhadamodar ke mandir mean le aye the. vah shila aj bhi vahaan vartaman hai. kuchh din bad 'radhadamodar' ke mool vigrah ko aurangajeb ke bhay se jayapur le jaya gaya, jahaan ve ab hai. radhadamodar ke mandir mean unaki jagah ek pratibhoo vigrah ki sthapana huee, jinaki seva shrriangaravat ke dakshin poorv roop gosvami ki bhajan kuti ke nikat radhadamodar ke vartaman mandir mean ab hoti hai.

is mandir ka nirman hua sanh 1558 ke bad jab roop gosvami aprakat ho chuke the. yah soochana vrindavan shodh sansthan mean surakshit ek dastavej ki naqal se milati hai, jisake anusar jiv gosvami ne is mandir ke lie zamin 1558 mean alisha chaudhari nam ke ek vyakti se kharidi thi. mandir ke ek prakoshth mean jiv gosvami ne b de kasht se sangrah kiye hue bahumooly prachin granthoan ka ek bhandar rakh chho da tha, jisaka durbhagy se chihn bhi ab vahaan nahian hai. is granth bhandar ka praman svayan jiv gosvami ka sankalp patr (Will) hai, jo shodh sansthan vrindavan mean surakshit hai. usamean isaka vishesh roop se varnan hai. yah sankalp patr bhi us bhandar se hi prapt hua tha.

vrajamandal ka adhinayakatv

12/13 varsh vad vrindavan ke akash par chha gayi durdaiv ki kalima. sanatan gosvami nityalila mean pravesh kar gaye. raghunathabhatt aur roop gosvami ne shighr anugaman kiya. kashi ke bharat vikhyat sannyasi prakashanand sarasvati, jo mahaprabhu ki kripa labh karane ke pashchath prabodhanand sarasvati ke nam se vrindavan mean vas kar rahe the, pahale hi antardhan ho chuke the. mahaprabhu ke pradhan parikaroan mean jo bach rahe unamean jiv ko chho d aur sab-lokanath gosvami, gopalabhatt gosvami, raghunathadas gosvami aur 'chaitanyacharitamrit' ke rachayita krishnadas kaviraj adi bahut vriddh ho jane ke karan lokantar yatra ki pratiksha kar rahe the.

aise mean mahaprabhu dvara pracharit bhakti-dharm ki jis vijay pataka ko roop sanatan ne phaharaya tha, use ooancha banaye rakhane ka bhar a p da jiv gosvami par. unhoanne sab prakar se isake yogy apane ko siddh kiya. unake pandity ki khyati pahale hi charoan or phail chuki thi. jo digvijayi pandit ate vrindavan shastravidh vaishnavoan ke sath tark-vitark karane unhean vaishnav-samaj ke mukhapatr shri jiv gosvami ke sammukh jana p data. unhean unake sadhan bal aur asadharan pandity ke karan nisprabh hona p data.

bahut se bhakt aur jijnasu ate bhakti-dharm mean diksha grahan karane ya bhakti-shastr ki shiksha grahan karane. sabaki jiv gosvami ke charanoan mean atm samarpan karana hota. sabako vahaan ashray milata. bahut se lekhakoan aur tikakaroan ki jiv gosvami ka mukhapekshi hona p data. sadhanatattv ki mimaansa ho ya kisi shastr ki vyakhya, jiv gosvami ke anumodan bina use vaishnav-samaj mean manyata prapt karana asambhav hota. isalie roop sanatan ke antardhan ke pashchath jiv gosvami ka vraj mandal ke adhinayak ke roop mean ubhar ana svabhavik tha.

jiv aur akabar badashah

graus ne likha hai ki akabar badashah ne gau diy gosvamiyoan se akrisht ho sanh 1573 mean vrindavan mean unase bheant ki. sanatan gosvami ke charitr (pri0 103) mean hamane graus ke lekhako udghrit kiya hai. kuchh logoan ka mat hai ki akabar badashah ki bheant sanatan gosvami se huee kuchh ka mat hai ki unaki bheant jiv gosvami se huee. ham kah chuke hai ki sanatan gosvami se akabar badashah ki bheant ka hona sambhav nahian tha, kyoanki unaka antardhan ho chuka tha 1573 se bahut pahale hi. 1573 se poorv roop aur raghunath bhatt ka bhi antardhan ho chuka tha. us samay gau diy gosvamiyoan mean vrindavan vartaman the-lokanath, bhoogarbh, jiv aur krishnadas kaviraj adi. akabar ko inhian ka akarshan ho sakata tha. par jiv gosvami ka us samay vrajamandal ke adhinayak ke roop mean khyati phail chuki thi. isalie gosvamiyoan ke pratinidhi-svaroop shrijiv se hi unaki bheant ki bat yatharth jan p dati hai.

jiv gosvami ke prati akabar ki shraddha ka praman vrindavan shodh sansthan mean surakshit vah pharaman bhi hai, jisake dvara unhoanne jiv gosvami nam govindadev ki seva ke lie 130 bigha zamin bheant ki thi. akabar badashah ke jiv gosvami ke prati adarabhav aur audaryapoorn vyavahar ke karan hi aj bhi vrindavan mean jitani bhoo sampatti govindedev ki hai utani aur kisi thakur ki nahian hai. govindadev vrindavan ke raja kahalate haian.

jiv aur mirabaee

jiv gosvami ke sath mirabaee ke sakshath ki katha prasiddh hai. priyadas ne bhaktamal ki tika mean isaka ullekh is prakar kiya hai-

vrindavan aee, jiv gusaeeji se mili jhili,

tiya mukh dekhive pan lai chhutayau hai.

mirabaee aee jiv gosvami ke darshan karane. jiv gosvami ke kisi shishy ne unase kaha-"ve stri ka mukh nahian dekhate."

mirabaee ne uttar diya-"maian to janati thi ki vrindavan mean giridhar lala hi ekamatr purush hai, aur sab stri haian. maian nahian janati thi ki yahaan jiv gosvami bhi ek purush hai, jo striyoan ka mukh nahian dekhate."

jiv gosvami ne jab kutiya ke bhitar se hi yah suna to prasann ho bahar nikal aye aur mirabaee se mile.

jiv aur maan jahnava

bhaktiratnakar mean jiv ke sath shrinityanand prabhu ki patni maan jahnava ke sakshatkar ka bhi ullekh hai. jahnava ka vrindavan gaman khetari utsav ke pashchath sanh 1576-77 ke as pas mana jata hai. ve jab vrindavan gayi to jiv gosvami ne unhean ghoom-ghoomakar vrajamandal ke darshan karaye. unaki ajna se vrihadbhagavatamritadi roop-sanatan ke kuchh granth bhi padhakar sunaye, jinhean sun ve itana bhavavihnal ho gayian ki unhean apane apako samhalana dushkar ho gaya-

sunite gosaeer granth utkanthit man. shrijiv gosvami karailen shravan॥

vrihradagavatamritadik shravanete. hila vihval preme nare sthir haite॥

jiv gosvami ki rachanaean

jiv gosvami jaise tikshn buddhi sampann aur medhavi the, vaise hi suyogy aur bharat vikhyat panditoan se shastradhyayan karane ka unhean suavasar prapt hua tha. sanatan aur roop ka pandity, kavitv aur bhakti-shastroan ka samyakh jnan unhean paitrik sampatti ke saman unase uttaradhikar mean prapt hua tha. granth rachana-kal mean unaki sahayata karate samay bhakti ke kshetr mean unake shirsh sthaniy granthoan ka hard unhean hastamalakavath upalabdh hua tha. unaka jo kary baqi rah gaya tha use poora karane ke lie ve sab prakar se upayukt the.