gopi git -karapatri maharajshrigopi-git‘shrimadbhagavat mahapuran’ ke dasham skandh ka ikatisavaan adhyay ‘gopi-git’ nam se prasiddh hai. yah atyant bhavapoorn git hai; jitana hi adhikadhik isake pathan-pathan, shravan-manan evan arthanusandhan mean pravritt hua jay utana hi isake lokottar divy ras ki adhikadhik upalabdhi hoti hai. shri sanatan gosvami kahate haian ki gopanhgana-janoan ke git ka arth ekamatr bhagavan shrikrishn paramatma hi jan sakate haian. ‘krishnaikagamyo vagarthah’ gopanhganaoan ka yah vagarth ekamatr bhagavan shrikrishn dvara hi gamy hai. jin rahasyatmak vakyoan ka arth keval apane rahasyajn ko hi jatana abhisht ho usako itar jan bhi janane ka prayas karean yah sarvatha anuchit hai etavata gopanhganaoan ke vagarth ka varnan karana bhi ek prakar se unake prati aparadh hi hai. hamare is aparadh ko janate hue bhi ve deviyaan, vrajasimantini-jan ham par anugrah karean. shri gopanhgana-janoan ke anugrah se shri shridhar svami ne is git ka abhipray samajha. gau d-sampraday ke sabhi achary advetavad evan mayavad ke sambandh mean shri shridhar svami se kuchh vipratipatti rakhate hue bhi bhakti-ras ke sambandh mean unaka atyant samman karate haian. ‘pitashrigopikagitasudhasaramahatmanamh shridharasvaminaan kinchiduchchhishtamupachiyate’ arthath mahatma evan mahapurush shri shridhar svami ne gopika-git-sudha-sar ka pan kiya; unake uchchhisht ras ka ham sanchayan karate haian. acharyagan ka kathan hai ki gopanhgana-janoan ne is abhilasha se ki jaise ham log anandakand, paramanand, vrajachandr, shrikrishn ke venu-ninad se mantr-mugdh ho unake sannidhan mean vraj tak khianchi chali ayi haian vaise hi bhagavan shrikrishnachandr bhi hamare is git se akrisht hokar hamako darshan deange, apana git prarambh kiya. ‘gopi-git’ ke ant mean 32vean adhyay ke prarambh mean spashtatah hi kaha gaya hai- |