gita darshan -svami akhandanand sarasvati maharaj
bhag-11 : adhyay 14
pravachan : 3
prashn: ‘ananyayogen’ aur ‘avyabhicharini’ kahakar bhakti ki kin visheshataoan par bal diya gaya hai? kya keval bhakti kahana paryapt n hota? aise kuchh bhaktoan ke udaharan dekar bhakti ke is vishisht roop ko spasht karean. uttar: saty ka sakshatkar karane ke lie pahale to abhiman ka parityag hona chahie. ‘tadviddhi pranipaten, pariprashnen sevaya.’ parasoan saralaji ne dhyan dilaya tha. pranipat ka arth hota hai, abhiman-tyag. seva ka arth hota hai bhakti. aur pariprashn ka arth hai jijnasa- janane ki ichchha hona. jijnasa-bina yadi doosare se kuchh sune bhi to usako thik-thik nahian grahan kar pata hai ya suni huee adribhut-se-adbhut, navin-se-navin bat ko bhi apani janakari ke andar le ata hai isalie usako ajnan ka jnan nahian hota. ajnan ke jnan mean nirabhimanata sahayak hai. aur jab tak vastu ka yatharth anubhav n ho jay tab tak dambh karana ki maian jan gaya, anubhav ho gaya, eeshvar mil gaya, aisa dambh nahian ana chahie. adhoorepan mean hi poorepan ka pradarshan nahian ana chahie. aur man, vachan, karm se kisi ko duahkh nahian pahuanchana chahie. kyoanki jab doosare ko duahkh pahuanchata hai to usake man mean jo hay ki vritti uthati hai vah doosare ke jnan par bhi parada dal deti hai aur doosare se koee aparadh ho jay to usako kshama karana chahie. kshanti-yadi ek ne aparadh kiya aur doosare ne use dand diya to tisara usako bhi dand dega aur chautha tisare ko dand dega, paanchava chauthe ko dand dega. aparadh ki parampara badhati chali jayagi aur yadi ek ne aparadh kiya aur doosare ne kshama ki to aparadh ki parampara vahian samapt ho jayagi. jivan mean saralata chahie. jijnasu, shishy ko tedha nahian hona chahie. man mean kuchh hai, karm mean kuchh hai, vachan mean kuchh hai. ‘manasyanyath vachasyanyath karmanyanyath duratmanamh.’ yah duratma ki pahachan hai. ‘manasyekan vachasyekan karmanyekan mahatamanamh.’ jo man mean, vahi karm mean, vahi vachan mean-yah mahatma ki pahachan hai. arjun jo gita ke shravan ke mukhy adhikari haian, ve ‘arjun’ isalie kahe jate haian ki ek to ve jnanarjan ke lie tatpar haian, doosare saral chitt haian-‘rrijutvath arjunah’. ye sadgun apane jivan mean kaise avean-usake lie achary ki upasana chahie. ‘acharyopasanamh.’ |
tika tippani aur sandarbh
sanbandhit lekh
kramaank | pravachan | prishth sankhya |
varnamala kramanusar lekh khoj