|
solahavaan adhyay
parishisht-1
daivi aur asuri vrittiyoan ka jhag da
88. purushottam-yog ki poorv-prabhaah daivi sanpatti
1. gita ke pahale paanch adhyayoan mean hamane dekha ki jivan ki kul yojana kya hai, aur ham apana janm saphal kaise kar sakate haian. usake bad chhathe adhyay se gyarahavean adhyay tak hamane bhakti ka bhinn-bhinn prakar se vichar kiya. gyarahavean adhyay mean bhakti ka darshan hua. baharavean mean sagun aur nirgun bhakti ki tulana karake bhakt ke mahan lakshan dekhe. barahavean adhyay ke aant tak karm aur bhakti, in donoan tathyoan ki chhanabin huee. jnan ka tisara vibhag rah gaya tha, use hamane terahavean, chaudahavean aur pandrahavean adhyayoan mean dekh liya- atma ko deh se alag karana aur usake lie tinoan gunoan ko jitakar aant mean sarvatr prabhu ko dekhana. pandrahavean adhyay mean jivan ka sanpoorn shastr dekh liya. purushottam-yog mean jivan ki poornata hoti hai. usake bad phir kuchh baki nahian rahata. 2. karm, jnan aur bhakti ki prithakta mujhe sahan nahian hoti. kuchh sadhakoan ki aisi nishtha hoti hai ki unhean keval karm hi soojhata hai. koee bhakti ke svatantr marg ki kalpana karate haian aur usi par sara jor dete haian. kuchh logoan ko jhukav jnan ki or hota hai. jivan ka arth keval karm, keval bhakti, keval jnan- aisa keval-vad mujhe manjoor nahian. isake viparit karm bhakti, kuchh jnan aur kuchh karm, is tarah ka upayogita-vad bhi mujhe nahian janchata. pahale karm, phir bhakti, phir jnan, is tarah se kram-vad ko bhi maian nahian svikarata. tinoan vastuoan ka samanvay kiya jaye, yah samanjasy-vad bhi mujhe pansad nahian hai. mujhe to yah anubhav karane ki ichchha hoti hai ki jo karm hai vahi bhakti hai, vahi jnan hai. barphi ke ek tuk de ki mithas, usaka akar aur usaka vajan alag-alag nahian hai. jis kshan ham barphi ka tuk da muanh mean dalate haian, usi kshan usaka akar bhi ham kha lete hai aur usaka vajan bhi pacha lete haian, aur usaki mithas bhi chakh lete haian. tinoan batean mili-juli haian. barphi ke pratyek kan mean akar, vajan aur madhurata hai. yah nahian ki usake ek tuk de mean keval akar hai, doosare mean kori mithas hai aur tisare mean sirph vajan hi hai. usi tarah jivan ki pratyek kriya mean paramarth bhara rahana chahie- pratyek krity sevamay, premamay aur jnanamay hona chahie. jivan ke aang-pratyang mean karm, bhakti aur jnan bhara rahana chahie, ise ‘purushottam-yog’ kahate hai. sare jivan ko keval paramarthamay hi bana dalana- yah bat bolane mean to b di asan hai. parantu is kathan mean jo bhav hai, usaka yadi vichar karane lagean, to keval nirmal seva karane ke lie aantahkaran mean shuddh jnan-bhakti ki hardikata grihit samajhakar chalana hoga. isalie karm, bhakti aur jnan aksharakshah ekaroop haian, is param dasha ko ‘purushottam-yog’ kahate haian. yahaan jivan ki aantim sima a gayi. |
|
tika tippani aur sandarbh
sanbandhit lekh
| adhyay | adhyay ka nam | prishth sankhya |
varnamala kramanusar lekh khoj