chaturth adhyay
sambandh- yahaan yah prashn uthata hai ki uparyukt prakar se kiye hue karm bandhan ke hetu nahian banate, itani hi bat hai ya unaka aur bhi kuchh mahattv hai. is par kahate haian-
gatasangasy muktasy jnanavasthitachetas: .
yajnayacharat: karm samagran praviliyate ..23..
jisaki asakti sarvatha nasht ho gayi hai, jo dehabhiman aur mamata se rahit ho gaya hai, jisaka chitt nirantar paramatma ke jnan mean sthit rahata hai- aise keval yajn sampadan ke liye karm karane vale manushy ke sampoorn karm bhali-bhaanti vilin ho jate haian ..23..
prashn- asakti ka sarvatha nasht ho jana kya hai aur ‘gatasangasy’ pad kisaka vachak hai?
uttar- karmoan aur unake phalaroop samast bhogoan mean tanik bhi asakti ya kamana ka n rahana, asakti ka sarvatha nasht ho jana hai. is prakar jisaki asakti ka abhav ho gaya hai, us karmayogi ka vachak yahaan ‘gatasangasy’ pad hai. yahi bhav karm mean aur phal mean asakti ke tyag se tatha siddhi aur asiddhi ke samatv se poorv shlok mean dikhalaya gaya hai.
prashn- ‘muktasy’ pad ka kya bhav hai?
uttar- jisaka antahkaran aur indriyoan ke sanghataroop sharir mean jara bhi atmabhiman ya mamatv nahian raha hai, jo dehabhiman se sarvatha mukt ho gaya hai- us jnanayogi ka vachak yahaan ‘muktasy’ pad hai.
prashn- ‘jnanavasthitachetasah’ pad ka kya bhav hai?
uttar- ‘jnanavasthitachetasah’ pad bhi sarvatr brahmabuddhi ho jane ke karan pratyek kriya karate samay jisaka chitt nirantar paramatma ke jnan mean laga rahata hai, aise jnanayogi ka hi vachak hai.
|