वसुदेव

sankshipt parichay

vasudev
vansh-gotr	yaduvanshi
pita	shoor
mata	marisha
dharm-sanpraday	hindoo
parijan	devaki, rohini, krishn, balaram
vivah	ugrasen ke bhaee devak ki sat kanyaoan se vasudev ka vivah hua tha, jinamean devaki aur rohini pramukh thian. kahian par inaki patniyoan ki sankhya 12 bhi bataee gee hai.
santan	balaram, krishn
sanbandhit lekh	krishn, balaram, devaki, rohini
any janakari	'bhagavat' tatha any puranoan ke anusar vasudev krishn ke vastavik pita, devaki ke pati aur kans ke bahanoee the. jis prakar yashoda ki tulana mean devaki ka charitr bhakt kaviyoan ko akarshit nahian kar saka, usi prakar nand ki tulana mean vasudev ka charitr bhi gaun hi raha.

vasudev mathura ke raja ugrasen ke mantri, yaduvanshi shoorasen tatha marisha ke putr aur shrikrishn ke pita the. pandavoan ki mata kunti inaki bahan thian. inaka vivah devak athava ahuk ki sat kanyaoan se hua tha, jinamean devaki sarvapramukh thian. vasudev ke nam par hi shrikrishn ko 'vasudev' kahate haian.

janm katha

poorvakalp mean prajapati sutapa tatha unaki patni prishni ne bahut dinoan tak tapasya karake bhagavan ko santusht kiya. jab bhagavan ne unhean darshan dekar varadan maangane ko kaha, tab un logoan ne bhagavan ko hi apane putraroop mean pane ki ichchha prakat ki. prabhu ne tin bar unase ‘diya, diya, diya’ kaha. us kalp mean bhagavan ka avatar mata prishni se hua aur ve ‘prishnigarbh’ kahalaye. doosare kalp mean prajapati sutapa hue kashyap ji aur prishni huee devamata aditi. bhagavan ne ‘vaman’ roop se unake yahaan avatar liya. kyoanki tin bar bhagavan ne ‘diya, diya, diya’ kaha tha, atah tisari bar prajapati sutapa yaduvansh mean shoorasen ke putr vasudev hue. inake janm ke samay devataoan ki dundubhiyaan svayan baj uthi thian, isaliye inako log 'anakadundubhi' kahate the. mata prishni mathura naresh ugrasen ke bhaee devak ki sabase chhoti kanya devaki hueean.

vivah

vasudev ji ke kul attharah vivah hue, jabaki kahian-kahian inaki 12 patniyaan kahi jati haian. vasudev ki patniyoan ke jnat nam is prakar haian- devaki, rohini, pauravi, madira, kaushalya, rocha, ila, dhritadeva, shaantideva, upadeva, shrideva, devarakshita aur sahadeva. vasudev ne apani in sabhi patniyoan se santanean prapt ki thian. sabhi santanoan ka janm mathura mean hi hua tha. inamean se anekoan ki ayu mean kuchh dinoan ka hi aantar tha. vasudev ka bhavan unaki patniyoan ki santanoan se bhar gaya. unake bhaiyoan ki patniyoan ke bhi kee putr hue. dirgh kal tak pautroan ka mukh dekhane ko tarasati rahi thian devi marisha aur phir unako pitamahi ka gaurav dene vale bahut adhik ek sath a ge unake putroan ke grihoan mean. unaki abhilasha bhali prakar poorn ho gee. devak ki chhah kanyaean to vasudev ji ko byahi ja rahi thian; jab devaki ka bhi vivah unase ho gaya, tab ugrasen ka jyeshth putr kans apani chhoti chacheri bahin ke sh‍nehavash svayan vasudev-devaki ke rath ka sarathi banakar unhean ghar pahuanchane laga. marg mean akashavani ne usase kaha- "moorkh ! too jise pahuanchane ja raha hai, usaki athavian santan ke hath se teri mrityu hogi." itana sunate hi kans ne talavar khianch li aur vah devaki ko marane ke liye udyat ho gaya. vasudev ji ne use bahut samajhaya. "sharir to nashvar hai. mrityu ek-n-ek din hogi hi. manushy ko koee aisa kam is do kshan ke jivan ke liye nahian karana chahiye ki marane par log usaki nianda karean. jo praniyoan ko mohavash kasht deta hai, marane par yam ke doot ghor narak mean dalakar yugoan tak use bhayankar pi da dete haian."

karavas

kans ke oopar aisi batoan ka koee prabhav p data n dekhakar ant mean vasudev ji ne kaha- "tumhean is devaki se to koee bhay hai nahian. tumako matr isaki santanoan se bhay hai. maian vachan deta hooan ki isaki santanoan ko janm lete hi maian tumhare pas pahuancha diya karooanga." kans janata tha ki vasudev itane dharmatma haian, itane satyanishth haian ki ve apani bat tal nahian sakate. usane devaki ko marane ka prayatn chho d diya aur devaki tatha vasudev ko ajivan karavas mean dal diya.

vasudev bal krishn ko gokul le jate hue

krishn janm

samay ane par devaki ke putr hua. vasudev jaise sant, satpurush ke liye koee bhi tyag dushkar nahian. apane pranapriy putr ko ve janmate hi kans ke pas utha le gaye. pahale to kans ne unaki satyanishtha dekhakar balak ko lauta diya; par pichhe se narad ne jab use ulta-sidha samajha diya, tab us balak ko usane mar dala. devaki ke putr utpann hote hi kans use mar dalata tha. chhah putr usane isi prakar mar diye. satavean garbh mean balaram the. yogamaya ne unhean devaki ke garbh se sankarshit karake rohini ke garbh mean sthapit kar diya. isi se balaram ka ek nam sankarshan bhi hua. bhadrapad krishn paksh ki ashtami ko adhi rat mean svayan shrikrishnachandr hi prakat hue. bhagavan ke adesh se vasudev ratri mean hi unhean gokul nand ke yahaan pahuancha aye aur vahaan se yashoda ki navajat balika le aye. kans jab us balika ko marane chala to vah usake hath se chhootakar akash mean chali gayi. ashtabhuja devi ke roop mean prakat hokar usane kans se kaha- "tera vadh karane vala shatru kahian prakat ho gaya hai." kans ne yah sunakar vasudev-devaki ko karagar se chho d diya.

bandigrih se mukti

duratma kans jan gaya ki use marane vala nandagrih mean hi aya hai. usake jo asur braj mean gaye, ve sabhi shrikrishn ke hathoan sadgati pa gaye. jab narad se pata laga ki krishn-balaram to vasudev ji ke hi putr haian, tab to kans bahut rusht hua. usane hathak di-be di se vasudev-devaki ko jak dakar punah bandigrih mean dal diya. antatah shrikrishnachandr mathura aye. kans ko unhoanne marakar mukt kar diya. pita-mata ki bedi़yaan katakar jab ram-shyam unake padoan mean praman karane lage, vasudev ji ashchary se khade़ rah gaye. ve janate the ki shrikrishnachandr sakshat paramatma haian. parantu lilamay shyamasundar ne mata-pita se kshama maangi, mithi batean kian aur unamean vatsaly-bhav jagrat kar diya. vasudev ki mahima, unake saubhagy ka koee anuman bhi kaise kar sakata hai. jagannath balaram-shyam unhean pita kahakar sada adar dete the. nity pratahkal unake pas jakar unako praman karate the. unaki sab prakar ki seva karate the.

shrikrishn ka anugaman

kurukshetr mean soory-grahan ke samay vasudev ne rrishiyoan se karm ke dvara sansar se mukt hone ka marg poochha. rrishiyoan ne unase yajnanushthan karaya. vahaan rrishiyoan ne unase kaha tha- "shrikrishn hi sakshath brahm haian." dvaraka mean vasudev ji ne us shyamasundar se yahi bat kahi, tab un mayoor mukutadhari ne pita ko tattvajnan ka upedash kiya. isake pashchat devarshi narad ne vasudev ko adhyatmajnan tatha bhakti ka tattv bataya. tab prabhas kshetr mean shrikrishnachandr ne lila sanvaran kar li aur daruk se yah sanvad prapt hua, tab vasudev bhi shankhoddhar-tirth se prabhas gaye aur vahaan unhoanne bhi shrikrishn ka anugaman kiya.

'bhagavat' tatha any puranoan ke anusar vasudev krishn ke vastavik pita, devaki ke pati aur kans ke bahanoee the. jis prakar yashoda ki tulana mean devaki ka charitr bhakt kaviyoan ko akarshit nahian kar saka, usi prakar nand ki tulana mean vasudev ka charitr bhi gaun hi raha. krishn janm par kans ke vadh ke bhay se akrant vasudev ki chinta, soch aur karyashilata se unake putr-sneh ki soochana milati hai. yadyapi unhean krishn alaukik vyaktitv ka jnan hai phir bhi unaki pitrisulabh vyakulata svabhavik hi hai. mathura mean punarmilan ke poorv hi vasudev ko svapn mean usaka abhas mil jata hai. ve apani dukhi patni devaki se is shubh avasar ki asha mean prasann rahane ke lie kahate haian. vasudev ka charitr bhagavat-bhashakaroan ke atirikt sooradas ke samasamayik evan paravarti pray: sabhi kaviyoan ki drishti mean upekshit hi raha. adhunik yug mean keval 'krishnayan' ke antargat use paramparagat roop mean hi sthan mil saka hai.