|
gita-prabandh -shri aravind bhag-2
khand-2 : param rahasy
is prakar divy guru ne shishy ke sammukh usake karm aur sangram ke kshetr mean shiksha aur yog ka sar prakat kar diya hai aur ab usake karm par lagoo karane ki or agrasar hote haian, par aise dhang se jisase yah hamare sabhi karmoan par lagoo kiya ja sakata hai. ek charam drishtaant se sanbaddh hone aur kurukshetr ke nayak se kahe jane ke karan ye shabd bahut hi vyapak arth rakhate haian aur jo log bhi sadharan man se oopar uthane tatha uchchatam adhyatmik chetana mean nivas aur karm karane ke liye taiyar haian un sabhi ke liye ye ek sarvabhaum niyam hai. ahan aur vyaktigat man ke ghere ko to dakar usase bahar nikal jana aur pratyek chij ko atma ko apana sarvasv samarpit kar dena, bhagavachchetana ko adhikrit karana tatha usake dvara adhikrit hona, prem anand sankalp aur jnan ki vishv-vyapakata mean un ekamevadvitiy ke sath ekamay hona, unake aandar sabhi jivoan ke sath tadatmy prapt karana, jahaan sab kuchh bhagavan hi haian aise jagat ki divy adharashila par tatha mukt atma ki divy sthiti mean aradhana aur yajn ke roop karm karana-yahi hai gita ke yog ka tatpary. yah hai hamari satta ke drishyaman saty se usake param adhyatmik aur vastavik saty mean sankraman. aur, bhedatmak chetana ki anek simaoan ko door kar aur vishay-vasana, vevalata evan ajnan ke prati, nyoonatar prakash aur jnan tatha pap aur puny ke prati, nimnatar dvandvatmak vidhan aur adarsh ke prati man ki asakti ka parityag karake hi manushy us saty mean pravesh kar sakata hai.
atev, shri guru kahate haian apane apako sarvatmana mere prati arpit karake, apane sachetan man mean apane sabhi karm mujhapar utsarg karake, sankalp aur buddhi ke yag ka ashray lekar, apane hriday aur chetana mean sada mere sath ek hokar rah. yadi too sada-sarvada machchit rahega to meri kripa se sab kathin aur sankatapoorn margoan ko soorakshit roop se par kar jayega par yadi too ahankaravash nahian sunega to too vinasht ho jayega. too apane ahankar ka ashray lekar yooan sochata hai ki maian nahi karooanga tera yah nishchay mithya hai prakriti tujhe tere karm mean niyukt karegi. jo too mohavash nahian karana chahata, vahi too apane svabhavaj karm se bandha hua avash hokar karega.
|
|