|
gita-prabandh -shri aravind
15.avatar ki sanbhavana aur hetu
jis yog mean karm aur jnan ek ho jate haian, karmayajn yog aur jnanayog ek ho jate haian, jis yog mean karm ki paripoonarta jnan mean hoti hai aur jnan karm ka poshan karata hai, usaka roop badal deta aur use alokit kar deta hai aur phir jnan aur karm donoan hi un param bhagavanh purushottam ko samarpit kiye jate haian jo hamare aandar narayan-roop se sada hamare hridayoan mean gupt bhav se virajaman haian, jo manav-akar mean bhi ataroop se prakat hote haian aur divy janm grahan karake hamari manavata ko apane adhikar mean lete haian, us yog ka varnan karate hue shrikrishn batoan-batoan mean yah kah gaye ki yahi vah sanatan adiyog hai jo maianne sooryadev vivasvanh ko pradan kiya aur vivasvanh ne jise manushyoan ke janak manu ko aur manu ne sooryavansh ke adipurush ikshvaku ko diya aur is prakar yah yog ek rajarshi se doosare rajarshi ko milata raha aur isaki paranpara chalati rahi, phir kal ki gati mean yah kho gaya. bhagavan arjun se kahate haian aj vahi yog maian tujhe de raha hooan, kyoanki too mera premi, bhakt, sakha aur sathi hai bhagavanh ne is yog ko param rahasy kahakar ise naye sab yogoan se shreshth bataya, kyoanki any yog ya to nirgun brahm ko ya sagun sakar ishtadev hi prapt karane vale, ya nishkarmasvaroop moksh athava anandanimagn mukti ke hi dilane vale haian, kiantu yah yog param rahasy aur sanpoorn rahasy ko kholakar dikhane-vala, divy shakti aur divy karm ko prapt karane vala tatha poorn svatantrata se yukt divy jnan, karm aur paramanand ko dene vala hai.
jaise bhagavan ki param satta apani vyakth satta ki sab paraspar-vibhinn aur virodhi shaktiyoan aur tattvoan ka samanvay kar unhean apane aandar ek kar leti hai vaise hi is yog mean bhi sab yogamarg milakar ek ho jate haian. isaliye gita ka yah yog keval karmayog nahian hai jaisa ki kuchh logoan ka agrah hai aur jo ise tin margoan mean se sabase kanishth marg batalate haian, balki yah param yog hai, poorn samanvayatmak aur akhand hai, jisamean jiv ke aang-pratyangoan ki sari shaktiyoan bhagavanmukhi ki jati hai. is yog ko vivasvan adi ko diye jane ki bat ko arjun ne atyant sthool arth mean grahan kiya (is bat ko doosare arth mean bhi liya ja sakata hai) aur poochha ki sooryadev jo jiv-srishti mean agrajanmaoan mean se ek haian, jo sooryavansh ke adipurush haian unhoanne manushy roop shrikrishn se, jo abhi-abhi jagath mean utpann hue yah yog kaise grahan kiya. is prashn ka uttar shrikrishn yah de sakate the ki sanpoorn jnan ke moolasvaroop jo bhagavanh haian us bhagavadroop se maianne yah upadesh un savita ko diya tha jo bhagavanh ke hi jnan ke vyakti roop aur jo samast aantabrahm donoan hi prakashoan ke dene vale haian-parantu yah uttar unhoanne nahian diya.
|
|
