indrani devataoan ke raja indr ki patni haian. inake doosare nam 'shachi' aur 'paulomi' bhi haian. indrani asur puloma ki putri thian, jinaka vadh indr ke hathoan hua tha. rrigved ki deviyoan mean indrani ka sthan pradhan haian. ye indr ko shakti pradan karane vali aur svayan anek rrichaoan ki rrishi hai. shalin patni ki yah maryada aur adarsh haian aur grih ki simaoan mean usaki adhishthatri haian.
karyakshetr
apane kary kshetr mean indrani vijayini aur sarvasvamini haian aur apani shakti ki ghoshana vah rrigved ke mantr[1] mean is prakar karati haian-
'ahan keturanh moordha ahamugravivachini'.
arthat "maian hi vijayini dhvaja hooan, maian hi ooanchaee ki choti hooan, maian hi anullanghaniy shasan karane vali hooan."
- rrigved ke ek atyant sundar aur 'shaktisookt'[2] mean vah kahati haian ki "maian asapatni hooan, sapatniyoan ka nash karane vali hooan, unaki nashyaman shalinata ke lie grahan svaroop hooan, un sapatniyoan ke lie, jinhoanne mujhe kabhi grasana chaha tha." usi sookt mean vah kahati haian ki "mere putr shatruhanta haian aur meri kanya mahati hai"- 'mam putra: shatruhanoatho mam duhita virath.'
vividh roop
shaktamat mean sarvapratham matri ki pooja hoti hai. ye mataean vishvajanani haian, jinaka devastriyoan ke roop mean manavikaran hua hai. isaka doosara abhipray shakti ke vividh roopoan se bhi ho sakata hai, jo ath haian tatha vibhinn devataoan se sambandhit haian. 'vaishnavi' ya lakshmi ka vishnu se, 'brahmi' ya brahmani ka brahma se, 'kartikeyi' ka yuddh ke devata kartikey se, 'indrani' ka indr se, 'yami' ka mrityu ke devata yam se, 'varahi' ka varah se, devi v eeshani ka shiv se sambandh sthapit hai. is prakar indrani ashtamatrikaoan mean se bhi ek hai. amarakosh mean sapt matrikaoan ka[3] ullekh hai:
brahmi maheshvari chaiv kaumari vaishnavi tatha.
varahi ch tathendrani chamunda saptamatar:॥