|
|
chhatha adhyay
(atm sanyam yog)
(sagun-sakar ke dhyan ka varnan-) jisaka aantahkaran shant, rag dvesharahit hai, jo bhayarahit hai, jisaka jivan brahmachari ki tarah sanyat aur niyat hai, jo nirantar savadhan rahata hai, aisa dhyanayogi apane man ko sansar se hatakar mujhamean lagate hue keval mere parayan hokar baithe. is prakar man ko sada mujhamean lagate hue vash mean kie hue manavala dhyanayogi mujhamean rahane vali paramashanti ko prapt ho jata hai, jise prapt hone par phir kuchh bhi prapt karana baki nahian rahata.
he arjun! yah dhyanayog n to adhik khane vale ka aur n bilakul n khane vale ka tatha n adhik sone vale ka aur n bilakul n sone vale ka hi siddh hota hai. duahkhoan ka nash karane vala yah yog to yathayogy ahar aur vihar karane vale ka, karmoan mean yathayogy cheshta karane vale ka tatha yathayogy sone aur jagane vale ka hi siddh hota hai.
(svaroop ke dhyan ka varnan-) sansar ke chintan se sarvatha rahit chitt jab apane svaroop mean tallin ho jata hai aur jab vah sanpoorn padarthoan se niahsprih ho jata hai arthath use kisi bhi padarth ki paravah nahian rahati, tab vah vastavik ‘yogi’ kaha jata hai. jaise sarvatha spandanarahit vayu ke sthan mean rakhe hue dipak ki lau tho di si bhi hilati dulati nahian, aise hi jo yog ka abhyas karata hai aur jisane chitt ko vash mean kar liya hai, us dhyanayogi ka chitt ek svaroop mean hi sthir rahata hai, ek svaroop ke sivay kuchh bhi chiantan nahian karata. jis samay dhyanayogi ka chitt niruddh avastha (nirbij samadhi)- se bhi uparam ho jata hai arthath nirbij samadhi ka bhi sukh nahian leta, us samay vah apane svaroop mean apane apaka anubhav karata hua apane apamean santusht rahata hai. dhyanayogi apane dvara apane ap mean jis sukh ka anubhav karata hai, us sukh se badhakar doosara koee sukh sansar mean nahi hai. vah sukh iandriyoan ke adhin nahian hai aur us sukh mean buddhi bhi jagrat rahati hai.
|
|
