|
|
pahala adhyay
(arjun vishad yog)
jab pandavoan ka barah varsh ka vanavas aur ek varsh ka ajnatavas samapt ho gaya, tab unhoanne poorv pratijna ke anusar duryodhan se apana adha rajy maanga. parantu duryodhan ne adha rajy to kya, tikhi sooee ki nok-jitani jamin ko bhi bina yuddh ke dena svikar nahian kiya. atah pandavoan ne mata kunti ki ajna ke anusar yuddh karane ka nirnay le liya. is prakar pandavoan aur kauravoan ka yuddh hona nishchit ho gaya aur tadanusar donoan or se yuddh ki taiyari hone lagi.
maharshi vedavyas ji ka dhritarashtr par bahut sneh tha. us sneh ke karan unhoanne dhritarashtr ke pas akar kaha ki ‘yuddh hona aur usamean kshatriyoan ka mahanh sanhar hona avashyambhavi hai, ise koee tal nahian sakata. yadi tum yuddh dekhana chahate ho to maian tumhean divy drishti de sakata hooan, jisase tum yahian baithe-baithe yuddh ko achchhi tarah se dekh sakate ho.’ is par dhritarashtr ne kaha ki ‘maian janmabhar aandha raha, ab apane kul ke sanhar ko maian dekhana nahian chahata, parantu yuddh kaise ho raha hai- yah samachar jaroor sunana chahata hooan.’ tab vedavyas ji ne kaha ki ‘maian sanjay ko divy drishti deta hooan, jisase vah sanpoorn yuddh ko, sanpoorn ghatanaoan ko, sainikoan ke man mean ayi huee batoan ko bhi jan lega, sun lega, dekh lega aur sab batean tumhean suna bhi dega.’ aisa kahakar vyasaji ne sanjay ko divy drishti pradan ki.
nishchit samay ke anusar kurukshetr mean yuddh aranbh hua. das din tak sanjay yuddh sthal mean hi rahe. jab pitamah bhishm banoan ke dvara rath se gira diye gaye, tab sanjay ne hastinapur mean, jahaan dhritarashtr virajaman the, akar dhritarashtr ko yah samachar sunaya. is samachar ko sunakar dhritarashtr ko bahut dukh hua aur ve vilap karane lage. phir unhoanne sanjay se yuddh ka sara samachar sunane ke lie kaha.
mahabharat mean kul atharah parv haian. un parvoan ke aantargat kee avantar parv bhi haian. unamean se ‘bhishmaparv’ ke aantargat yah ‘shrimadbhagavadgitaparv’ hai, jo bhishmaparv ke terahavean adhyay se aranbh hokar bayalisavean adhyay mean samapt hota hai. bhishm parv ke chaubisavean adhyay tak sanjay ne yuddh sanbandhi batean dhritarashtr ko sunayian. pachisavean adhyay ke aranbh mean dhritarashtr ke prashn se shrimadbhagavadgita ka aranbh hota hai.
|
|
