shri dvarikadhish -sudarshan sianh 'chakr'
84. uddhav ko upadesh
shrikrishnachandr ne uddhav ko vistar se vivek, vairagy, bhogoan ki anityata samajha kar batalaya- 'jab tak gun vaishamy hai, tabhi tak atma mean nanatv ki pratiti hai aur yah nanatv ki pratiti hi paratantry, janm-maran ka hetu hai. jab tak paratantrata hai, tab tak bhay hai.' uddhav ne poochha- gunoan mean vartaman rahate bhi dehi kaise sharir dharmoan se achchhadit nahian hota, unase bandhata nahian aur kaise bandhata hai?' isaka uttar dete hue keshav ne atma ka svaroop niroopan kiya ki- 'yah drishy prapanch maya se svapn ke saman pratit ho raha hai. isamean gun-dosh drishti hi anarthakari hai. atah kisi ki stuti ya ninda mat karo. vastu, vyakti athava kriya mean stuti ya ninda karake rag-dvesh ke dvara bandhan ki prapti hoti hai. atev gun-dosh drishti hi dosh hai. is drishti ko tyag kar samatv mean sthit ho.' shrikrishnachandr ne is samatv ki prapti ke lie satsang, bhagavatkatha shravan, namasmaranadi bhakti ka upadesh kiya. paramarth-jijnasu ke acharan, sanyamadi ko samajhaya. ant mean kah diya- 'satsang ka prabhav samast sadhanoan se prabal evan amodh hai. satsang se hi bhakti, sadgun, sanyam tatha jnan ki prapti hoti hai.' bahut vistar se hansavatar lekar sanakadi ko jis tattvajnan ka upadesh kiya tha vah sunaya. phir sadhan bhakti ka varnan karate hue dhyanavidhi batalayi. dhyan ke phalasvaroop prapt hone vali siddhiyoan ka varnan karake kah diya- 'sab siddhiyaan vighnaroopa hi haian atah inase mere ashrit mohit nahian hote.' uddhav ke prashn karane par madhusoodan ne apani vibhootiyoan ka varnan kiya. varnashram dharm tatha samany dharm ka varnan kiya. isi prakar uddhav ke prashn ke uttar mean yamaniyam, sham-dam titikshadi ki paribhasha batalayi. uddhav ko bhagavan ne adhikari batalate hue kaha- 'manushy ke uddhar ke tin hi sadhan haian- jnanayog, karmayog aur bhaktiyog. chautha koee sadhan nahian hai.' dravy, desh-kal ki shuddhi-ashuddhi adi ko sakaran bhagavan ne samajhaya. uddhav ke poochhane par tattvoan ki prasankhyan paddhati batalayi. purush-prakriti ka svaroop batalakar jiv ki dehantar, lokantar gati ka niroopan kiya. titiksha, samadarshita ke udaharan mean bhikshu ka akhyan sunaya aur bhikshugita ka upadesh kiya. |
tika tippani aur sandarbh
sanbandhit lekh
adhyay | adhyay ka nam | prishth sankhya |
varnamala kramanusar lekh khoj