shri dvarikadhish -sudarshan sianh 'chakr'
36. sakha sudama
'chhandaansyayatayamani bhavantvih paratr ch.'[1] 'is lok aur paralok mean bhi sampoorn vaidik mantr evan vaidik jnan tatkal padhe ke saman tumako smaran rahean.' gurudev ka yah ashirvad shrikrishn ke sang ka sadyah phal mil gaya tha usi din sudama ko ve usi din vedajnoan ke shiromani ho gaye the. samavartan sanskar hua aur svadesh laute. brahman ka dhan vidya hai. sudama ke mata-pita santusht hue putr ke vidvan hokar lautane se. vidvan brahman-kumar ka shreshth brahman-kanya se vivah ho gaya. mata-pita jaise vitarag tapasvi the, sudama mean vah tyag evan aparigrah aur utkrisht, adhik paripoornata ko prapt hua. pita-mata ke paralok jane par bhi unaki trin kutir tapah sadhana evan shruti ke sasvar path se sada pavitr rahi. gurjar sharir, nagar brahman sudama gurukul se laute to shrutiahshastr parangat hone ke sath shrikrishn ke sakhy mean apad nimagn. apane nityakarm, ved-path, havanadi ke atirikt us ghanashyam sakha ke chintan, manan aur gunagan mean nimagn. sharir ka bahut kam smaran rahata tha. to garhasth ki sudhi kaisi. 've navaghan sundar mujhe bahut samman dete the. sahapathiyoan mean sabase adhik sneh tha unaka mujh par.' sudama gadagad kanth kahate the patni se- 'shruti unhian ka niahshvas hai. unhean adhyayan kahaan karana tha. un donoan bhaiyoan ko keval maryada raksha karani thi. ve sarvalokeshvareshvar.......' sakha ke saundary, shil, gun aur akalpaniy pratibha, atishay vinamrata aur seva-parayanata ka varnan prarambh ho jata to ratri kab bit gayi, pata hi nahian lagata tha. sudama ki kam hi ratriyaan thian jo unhean nidra ka vishram de pati thian. unaki ratriyaan prayah patni ke sath is punit charcha mean vyatit hoti thian. patni satya, sushila, tapasvini, pativrata aur titikshu, tyagi, aparigrahi brahman ki kanya. use tyag, seva, kasht sahan ki shiksha shaishav se hi mili thi. brahmamahoort se ratri ke pratham prahar tak vah juti rahati thi. kutiya ki svachchhata, bhoomilepan, jal bharana sookhi lak diyaan ekatr karana, pati ki pooja ke lie kush, tulasi, doorva, pushp jutana adi bhi use hi karana tha. tulasi pushp ke paudhoan ki seva-sianchan bhi. vahi bhiksha bhi maang lati thi athava shak patr jo mil jata, ekatr kar leti thi. use apane sukh, apani suvidha kabhi soojhati nahian thi. din mean ek bar hi usake svami kuchh ahar lete the. vah bhi alona hai ya namak p da hai, yah dekhate nahian the. mahine mean kee-kee vrat ke din the. |
tika tippani aur sandarbh
- ↑ shrimadbhagavat 10. 45. 48 evan 10. 80. 42
sanbandhit lekh
adhyay | adhyay ka nam | prishth sankhya |
varnamala kramanusar lekh khoj