श्री चैतन्योपदिष्ट प्रेम दर्शन

shri chaitanyopadisht prem darshan

daan. achary shri gaur krishn ji gosvami shastri, kavy puran darshan tirth, ayurved shiromani

jis samay bharatiy bhoo bhag ka vistrit aansh videshi akrantaoan ke nirantar akramanoan se grast ho raha tha, dharmonmattatta dinoan din badhati hi ja rahi thi, nirdosh manavoan ki hatyaean samany bat ho gayi thian, varnashram-vyavastha chhinn-bhinn hoti ja rahi thi, pratishthit jan apamanit ho rahe the, us samay premavatar roop mean bhagirathi ke suramy tatasth navadvip mean shri chaitany dev ka avirbhav hua. us samay hindoo jati, jatigat anek varg-bhedoan mean vibhajit thi, usake ekatrikaran ke liye shri chaitany dev ne shri harinam-kirtan ki yojana prarambh ki. ve ghar-ghar jakar bina kisi varg bhed ke hari nam ka prachar-prasar karane lage. isake prabhav se brahman aur chandal ek-doosare ko gale lagakar hari nam-kirtan karane lage the. yadyapi shri chaitany dev chaubis varsh ki alpavastha mean saansarik maya-bandhan ka parityag kar paramarthik path ke pathik ban gaye to bhi unhoanne apane lakshy-sankirtan ke madhyam se jagatik janoan ko prem-sandesh diya. jinake mukh se kabhi shrikrishn nam nahian nikala tha, unako bhi unhoanne krishn nam-sudha ras pila kar unmatt kar diya. nam ke prabhav se parvatoan mean spandan, lataoan mean madhu-nirjharan aur hiansak pashu-pakshiyoan mean jatigat vair bhav samapt ho gaya tatha ve hari-hari kah kar nachane lage. yah tha shri chaitany ka prem-prasad. shri chaitany dev ne sadhakoan ko is sadhy-sar prem ki vastavik upalabdhi ke anek sadhan batalane ka anugrah kiya.

sadhy tattv

sadhy vah tattv hai jisaki prapti hone ke bad kisi any vastu ki abhilasha nahian rahati. sadhyatmak jnan shastroan ke praman ke bina sarvatha asambhav hai. sadharanatah jiv ki kamy vastu hi sadhy hai. abhilasha ke anusar yah purusharth-chatushtay - dharm, arth, kam aur moksh - in char bhagoan mean vibhajit hai. inamean se yadyapi moksh mean vastavik sukh ka anubhav hota hai aur duahkh se nivritti bhi hoti hai, tathapi yah bhi param purusharth nahian hai. karan, moksh prapt jivo ke hriday mean bhagavadbhajan ki utkantha dikhayi deti hai. atah bhajan dvara utpann bhagavatprem hi sadhy tattv hai. jisake dvara nity sukh ki prapti tatha duahkhoan ki nivritti hoti hai.

prishth par jaean

1 | 2 | 3 | 4