shrimadbhagavadgita sadhak-sanjivani hindi-tika -svami ramasukhadas
dvadash adhyay
nirgun-upasakoan ki sadhana ke aantargat anek avantar bhed hote hue bhi mukhy bhed do haian-
pahali sadhana mean ‘sab kuchh brahm hai’ itana sikh lene- matr se jnananishtha siddh nahian hoti. jab tak aantahkaran mean rag arthat kam-krodhadi vikar haian, tab tak jnananishtha ka siddh hona bahut kathin hai. jaise rag mitane ke lie karmayogi ke lie sabhi praniyoan ke hit mean rati hona avashyak hai, aise hi nirgun-upasana karane vale sadhakoan ke lie bhi pranimatr ke hit mean rati hona avashyak hai- tabhi rag mitakar jnananishtha siddh ho sakati hai. isi bat ka lakshy karane ke lie yahaan ‘sarvabhootahite rataah’ pad ae haian. doosari sadhana mean, jo sadhak sansar se udasin rahakar ekant hi tattv ka chintan karate rahate haian, unake lie karmoan ka svaroop se tyag sahayak to hota hai, parantu keval karmoan ka svaroop se tyag kar dene matr se hi siddhi prapt nahian hoti[1], pratyut siddhi prapt karane ke lie bhogoan se vairagy aur sharir-iandriy-man-buddhi mean apanepan ke tyag ki atyant avashyakata hai. isalie vairagy aur nirmamata ke lie ‘sarvabhootahite rataah’ hona avashyak hai. jnanayog ka sadhak prayah samaj se door, asang rahata hai. atah usamean vyaktittv rah jata hai, jise door karane ke lie sansaramatr ke hit ka bhav rahana atyant avashyak hai. vastav mean asangata sharir se hi honi chahie. samaj se asangata hone par ahanbhav dridh hota hai, arthat mitata nahian. jab tak sadhak apane ko sharir se spashtatah alag anubhav nahian kar leta, tab tak sansar se alag rahane matr se usaka lakshy siddh nahian hota; kyoanki sharir bhi sansar ka hi aang hai aur sharir mean tadatmy aur mamata ka n rahana hi usase vastutah alag hona hai. tadatmy aur mamata mitane ke lie sadhak ko pranimatr ke hit mean lagana avashyak hai. doosari bat yah hai ki sadhak sarvada ekant mean hi rahe, yah sanbhav bhi nahian hai; kyoanki sharir-nirvah ke lie use vyavahar-kshetr mean ana hi p data hai aur vairagy mean kami hone par usake vyavahar mean abhiman ke karan kathorata ane ki sanbhavana rahati hai tatha kathorata ane se usake vyaktitv (ahanbhav) ka nash nahian hota. atah use tattv ki prapti mean kathinata hoti hai. |
tika tippani aur sandarbh
sanbandhit lekh
shlok sankhya | vishay | prishth sankhya |
varnamala kramanusar lekh khoj