|
chaturth adhyay
sambandh- is prakar samadhi yog ke sadhan ko yajn ka roop dekar ab agale shlok mean dravyayajn, tapoyajn, yogayajn aur svadhyayaroop jnanayajn ka sankshep mean varnan karate haian-
dravyayajnastapoyajna yogayajnastathapare .
svadhyayajnanayajnashch yatay: sanshitavrata: ..28..
kee purush dravy sambandhi yajn karane vale haian, kitane hi tapasya roop yajn karane vale haian tatha doosare kitane hi yogaroop yajn karane vale haian aur kitane hi ahiansadi tikshn vratoan se yukt yatnashil purush svadhyay roop jnanayajn karane vale haian ..28..
prashn- dravyasambandhi yajn kis kriya ka vachak hai? ise karane ka adhikar kin ko hai tatha yahaan ‘dravyayajnaah’ pad ke prayog ka kya bhav hai?
uttar- apane-apane varnadharm ke anusar nyay se prapt dravy ko mamata, asakti aur phalechchha ka tyag karake yathayogy lokaseva mean lagana arthath uparyukt bhav se bavali, kuean, talab, mandir, dharmashala adi banavana; bhookhe, anath, rogi, duahkhi, asamarth, bhikshu adi manushyoan ki yathavashyak ann, vastr, jal, aushadh, pustak adi vastuoan dvara seva karana; vidvanh tapasvi vedapathi sadachari brahmanoan ko gau, bhoomi, vastr, abhooshan adi padarthoan ka yathayogy apani shakti ke anusar dan karana- isi tarah any sab praniyoan ko sukh pahuanchane ke uddeshy se yatha shakti dravy ka vyay karana ‘dravyayajn’ hai. is yajn ke karane ka adhikar keval grihasthoan ko hi hai; kyoanki dravy ka sangrah karake paropakar mean usake vyay karane ka adhikar sannyas adi any ashramoan mean nahian hai. yahaan bhagavanh ne ‘dravyayajn’ shabd ka prayog karake yah bhav dikhalaya hai ki paramatma ki prapti ke uddeshy se lokaseva mean dravy lagane ke liye niahsvarth bhav se karm karana bhi yajnarth karm karane ke antargat hai.
prashn- ‘tapoyajn’ kis karm ko kahate haian? aur isamean kisaka adhikar hai?
uttar- paramatma ki prapti ke uddeshy se antahkaran aur indriyoan ko pavitr karane ke liye mamata, asakti aur phalechchha ke tyagapoorvak vrat-upavasadi karana, dharmapalan ke liye kasht sahan karana, maun dharan karana, ek vastr ya do vastroan se adhik ka tyag kar dena, ann ka tyag kar dena, keval phal ya doodh khakar hi sharir ka nirvah karana; vanavas karana adi jo shastr-vidhi ke anusar titiksha-sambandhi kriyaean haian- un sab ka vachak yahaan ‘tapoyajn’ hai. isamean vanaprasth ashram valoan ka to poorn adhikar hai hi, doosare ashram vale manushy bhi shastr vidhi ke anusar isaka palan kar sakate haian. apani-apani yogyata ke anusar sabhi ashram vale isake adhikari haian.
|
|