dvitiy adhyay
sambandh- asakti ka nash aur indriyasanyam nahian hone se kya hani hai? is par kahate haian-
yatato hyapi kauntey purushasy vipashchitah.
indriyani pramathini haranti prasabhan manah .. 60 ..
he arjun! asakti ka nash n hone ke karan ye pramathanasvabhav vali indriyaan yatn karate hue buddhimanh purush ke man ko bhi balath har leti haian ..60..
prashn- ‘hi’ pad ka yahaan kya bhav hai?
uttar- ‘hi’ pad yahaan dehali-dipakanyay se is shlok ka poorvashlok se tatha agale shlok ke sath bhi sambandh batalata hai. pichhale shlok mean yah bat kahi gayi ki vishayoan ka keval svaroop se tyag karane vale purush ke vishay hi nivritt hote haian, unamean usaka rag nivritt nahian hota. is par yah jijnasa ho sakati hai ki rag ke nivritt n hone se kya hani hai? isake uttar mean is shlok mean yah bat kahi gayi hai ki jab tak manushy ki vishayoan mean asakti bani rahati hai, tab tak us asakti ke karan usaki indriyaan use balath vishayoan mean pravritt kar deti haian; atev usaki manasahit buddhi paramatma ke svaroop mean sthir nahian ho pati aur chooanki indriyaan is prakar balath manushy ke manako har leti haian, isiliye agale shlok mean bhagavanh kahate haian ki in sab indriyoan ko vash mean karake manushy ko samahitachitt evan mere parayan hokar dhyan mean sthit hona chahiye. is prakar ‘hi’ pad se pichhale aur agale donoan shlokoan ke sath is shlok ka sambandh batalaya gaya hai.
prashn- ‘indriyani’ pad ke sath ‘pramathini’ visheshan ke prayog ka kya bhav hai?
uttar- ‘pramathini’ visheshan ka prayog karake yah dikhalaya gaya hai ki jab tak manushy ki indriyaan vash mean nahian ho jatian aur jab tak usaki indriyoan ke vishayoan mean asakti rahati hai, tab tak indriyaan manushy ke man ko bar-bar vishayasukh ka pralobhan dekar use sthir nahian hone detian, usaka manthan hi karati rahati haian.
prashn- yahaan ‘yayatah’ aur ‘vipashchitah’ - in donoan visheshanoan ke sahit ‘purushasy’ pad kis manushy ka vachak hai aur ‘api’ pad ke prayog ka kya bhav hai?
uttar- jo purush shastroan ke shravan-manan se aur vivek-vichar se vishayoan ke doshoan ko jan leta hai aur unase indriyoan ko hatane ka yatn bhi karata rahata hai, kiantu jisaki vishayasakti ka nash nahian ho saka hai, isi karan jisaki indriyaan vash mean nahian haian aise buddhimanh yatnashil sadhak ka vachak yahaan ‘yatatah’ aur ‘vipashchitah’- in donoan visheshanoan ke sahit ‘purushasy’ pad hai; inake sahit ‘api’ pad ka prayog karake yahaan yah bhav dikhalaya hai ki jab ye pramathanashil indriyaan vishayasakti ke karan aise buddhimanh viveki yatnashil manushy ke man ko bhi balath vishayoan mean pravritt kar deti haian tab sadharan logoan ki bat hi kya hai. atev sthitaprajn-avastha prapt karane ki ichchha vale manushy ko asakti ka sarvatha tyag karake indriyoan ko apane vash mean karane ka vishesh prayatn karana chahiye.
|